ەلىمىزدە 43 گرادۋسقا دەيىن ىستىق بولادى

None
استانا. قازاقپارات - ەلىمىزدە 1-3- ماۋسىمعا ارنالعان اۋا رايى بولجامى جاريالاندى، دەپ حابارلايدى قازاقپارات ءتىلشىسى.

سينوپتيكتەردىڭ بولجاۋىنشا، ەل اۋماعىندا اۋا تەمپەراتۋراسى بىرتىندەپ كوتەرىلەدى. كۇندىز ەلىمىزدىڭ سولتۇستىك-باتىسى جانە سولتۇستىگىندە اۋا تەمپەراتۋراسى 36+41+ گرادۋسقا دەيىن، شىعىستا 28+33+ گرادۋسقا دەيىن، ورتالىقتا 30+39+ گرادۋسقا دەيىن، وڭتۇستىكتە 37+43+ گرادۋسقا دەيىن، وڭتۇستىك-شىعىستا 30+ گرادۋسقا دەيىن ىستىق بولادى.

«ەلىمىزدىڭ بارلىق وڭىرىندە جاز باستالىپ كەلەدى. قازاقستاننىڭ باسىم بولىگىندەگى اۋا-رايىن انتيتسيكلون ايقىندايدى. تەك باتىس وڭىرلەردە جانە وڭتۇستىك-شىعىستاعى تاۋلى اۋدانداردا نايزاعاي ويناپ، وتكىنشى جاڭبىر جاۋادى»، - دەلىنگەن قازگيدرومەت ۇسىنعان حابارلامادا.