قازاق شەكاراشىلارى زاڭسىز جۇرگەن 43 شەتەل ازاماتىن ۇستادى
اتاپ ايتقاندا، ولاردىڭ اراسىندا «استانا» (اەروپورت) شەكارالىق باقىلاۋ وتريادىنىڭ ناريادى «استانا- ءابۋ-دابي» باعىتىندا ۇشقالى تۇرعان «ە ۇ295» رەيسىنە شەكارالىق باقىلاۋ جاساۋ كەزىندە ەلىمىزدەن بەلگىلەنگەن ۋاقىتتا شىعۋعا اسىقپاعان ا ق ش ازاماتىن ۇستادى.
سونداي- اق، «الماتى» شەكارالىق باقىلاۋ وتريادىنىڭ ناريادى "الماتى- سەۋل" باعىتىنداعى «كس-909» رەيسىنە شەكارالىق باقىلاۋ جاساۋ كەزىندە كوشى- قون پوليتسياسىندا تىركەلۋدى ءجون ساناماعان وڭتۇستىك كورەيا ازاماتىن ۇستاۋعا ءماجبۇر بولدى.
ەلىمىزدىڭ سولتۇستىگىندەگى "قىزىل جار" باقىلاۋ- وتكىزۋ بەكەتىنىڭ شەكاراشىلارى (سولتۇستىك قازاقستان وبلىسى، قازاقستاندىق- رەسەيلىك شەكارا) "استانا- كازانسكوە" باعىتىندا كەتىپ بارا جاتقان "مەرسەدەس" اۆتوكولىگىنە شەكارالىق باقىلاۋ جاساۋ كەزىندە ەلىمىزدە زاڭسىز جۇرگەن تۇركيا رەسپۋبليكاسىنىڭ 3 ازاماتىن ۇستادى.
بارلىق ۇستالعان ازاماتتار ق ر اكىمشىلىك- قۇقىقبۇزۋشىلىق كودەكسىنىڭ 517 -بابى بويىنشا اكىمشىلىك جاۋاپكەرشىلىككە تارتىلدى.
