11:29, 25 - مامىر 2015 | GMT +5
اقمولا وبلىسىندا 4300 گە جۋىق كيىكتىڭ ولەكسەسى جەرگە كومىلدى
كوكشەتاۋ. قازاقپارات - اقمولا وبلىسىندا باۋداي تۇسكەن كيىكتەردىڭ سانى 4293 كە جەتتى.
بۇل تۋرالى «قازاقپارات» ح ا ءا- ءنىڭ تىلشىسىنە وقيعا ورنىندا جۇرگەن ت ج د ارنايى جەدەل شتاب باسشىسى ورتكە قارسى قىزمەت پودپولكوۆنيگى نۇرلان قۇلبايەۆ حابارلادى.
ونىڭ ايتۋىنشا، ءدال قازىر ۋاقىتتا 4293 كيىكتىڭ ولەكسەسى جەرگە كومىلگەن.
«قازىرگى كەزدە، جارقايىڭ، جاقسى اۋداندارى اۋماعىندا ت ج د قىزمەتكەرلەرى مەن ارنايى قۇرىلعان جەدەل توپ جۇمىس ىستەۋدە. ولگەن جانۋارلاردىڭ ولەكسەسىن انىقتاپ، ارنايى قازىلعان جەرلەرگە تاسىمالدانۋدا»، - دەيدى ن. قۇلبايەۆ
ەسكە سالا كەتسەك، وسىدان بىرەر كۇن بۇرىن 1 مىڭعا جۋىق كيىكتىڭ ولەكسەلەرى قوستاناي وبلىسىمەن شەكارالاس جارقايىڭ اۋدانىنىڭ قۇمسۋات سەلولىق وكرۋگى جانە جاقسى اۋدانىنىڭ تەرىساققان سەلولىق وكرۋگى اۋماعىنان تابىلعان بولاتىن.
اۆتور: اسلان وسپانوۆ
