قازاقستاندا جىل باسىنان بەرى 42 ادامدى پويىز قاعىپ كەتكەن
جىل باسىنان بەرى ەلىمىزدىڭ كولىك پوليتسەيلەرى تەمىر جولداردى بەلگىلەنبەگەن جەرلەردەن كەسىپ وتكەنى ءۇشىن 15355 ادامدى انىقتاپ، اكىمشىلىك جاۋاپكەرشىلىككە تارتتى.
سونىمەن بىرگە پويىزداردىڭ شۇعىل تەجەلۋىنىڭ فاكتىلەرى دە بولىپ جاتادى. 930 فاكتى تىركەلدى، ونىڭ ىشىندە ادامداردىڭ بولۋى سەبەبىنەن – 224، تەمىرجول توسەمىندە ءۇي جانۋارلارىنىڭ بولۋىنا بايلانىستى 572 فاكتى.
«مىسالى، الدىڭعى دەمالىس كۇندەرى ءتورت ادام پويىز استىنا ءتۇسىپ كەتە جازدادى. اتالعان فاكتىلەر اقمولا، قىزىلوردا جانە شىعىس قازاقستان وبلىستارىندا تىركەلدى. ابىروي بولعاندا، بارلىق جاعدايدا پويىز ماشينيستەرى جىلجىمالى قۇرامدى توقتاتىپ، قايعىلى جاعدايدىڭ الدىن الدى. جوعارىدا كورسەتىلگەن فاكتىلەر بويىنشا قۇقىق بۇزعاندارعا قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 559-بابىنىڭ 5-بولىگى («بەلگىلەنبەگەن جەرلەردە تەمىرجول ارقىلى ءوتۋ») بويىنشا اكىمشىلىك حاتتاما تولتىرىلدى»، - دەلىنگەن كولىكتەگى پوليتسيا دەپارتامەنتى تاراتقان حابارلامادا.
