قىرعىزستاندا اپتا بويى 42 گرادۋسقا دەيىن اپتاپ ىستىق ساقتالادى

بىشكەك. قازاقپارات - قىرعىزستان اۋماعىندا اپتاپ ىستىق بولادى. قىرعىزستان توتەنشە جاعدايلار مينيسترلىگىنىڭ مالىمەتىنشە، ەلدەگى كەيبىر اۋدانداردا اۋا تەمپەراتۋراسى + 42 گرادۋسقا دەيىن كوتەرىلەدى، دەپ حابارلايدى قازاقپارات مەنشىكتى ءتىلشىسى.

مەتەوقىزمەت دەرەگى بويىنشا، 20-25- شىلدە ارالىعىندا شۋ وبلىسىنىڭ اۋماعىندا + 41 گرادۋسقا دەيىن، تالاس القابىندا + 39 گرادۋسقا دەيىن، باتكەن، وش جانە جالال- اباد وبلىستارىندا + 42 گرادۋسقا دەيىن، نارىن وبلىسىندا + 36 گرادۋس، ىستىقكولدە + 34 گرادۋسقا دەيىن، تاۋلى اۋدانداردا + 24-29 گرادۋسقا دەيىن ىستىق بولۋى ىقتيمال.

ۆەدومستۆو حالىقتى كوبىرەك سۋ مەن سالقىن سۋسىندار ىشۋگە، اشىق كۇن استىندا جۇرمەۋگە، اۋىل شارۋاشىلىعى داقىلدارىن مول سۋارۋعا شاقىرىپ جاتىر.