اسحات ايماعامبەتوۆ: ءۇش جىلدا 42 بالالار ءۇيى جابىلدى
ءبىلىم جانە عىلىم ءمينيسترى اسحات ايماعامبەتوۆ ۇكىمەت وتىرىسىندا وسىنداي ستاتيستيكا كەلتىردى.
«رەسپۋبليكادا بالالاردىڭ قۇقىعىن قورعاۋ جانە ولاردىڭ دامۋىنا قولايلى جاعداي جاساۋ بويىنشا جۇيەلى شارالار قابىلدانعان. وسى ماسەلە بويىنشا پرەزيدەنت تاپسىرمالارىنىڭ شەڭبەرىندە جاڭا زاڭنامالىق نورمالار قاراستىرىلۋدا. كەيىنگى ەكى جىل ىشىندە ۇلتتىق زاڭناماعا 83 جاڭا تۇزەتۋ ەنگىزىلدى. سونىڭ ىشىندە 2020 -جىلدىڭ وزىندە بالالاردىڭ قۇقىعىن قورعاۋ ءۇشىن 22 نورماتيۆتىك- قۇقىقتىق اكت قابىلداندى»، - دەدى مينيستر.
ونىڭ ايتۋىنشا، كەيىنگى 10 جىلدا بالالار ۇيلەرىنىڭ سانى 210 نان 96 عا دەيىن نەمەسە 2 ەسە، ونداعى تاربيەلەنۋشىلەردىڭ سانى 3 ەسە ازايعان.
«ال سوڭعى ءۇش جىلدى الساق، 42 بالالار ءۇيى جابىلىپ، تاربيەلەنۋشىلەردىڭ سانى 1969 عا ازايىپ وتىر. بالالار ۇيلەرىندە ارنايى قامقورشىلىق كەڭەسى قۇرىلدى. 18 بالالار ءۇيى بالالاردى قولداۋ ورتالىقتارىنا بەيىمدەلدى. بالا اسىراپ الاتىن اتا- انالاردى مىندەتتى تۇردە دايارلىقتان وتكىزۋ ءۇشىن «بالا اسىراپ الشۋىلار مەكتەبى» ينستيتۋتى ەنگىزىلدى»، - دەدى ءبىلىم جانە عىلىم ءمينيسترى.
