جاڭا جىل قارساڭىندا كەيبىر وڭىردە 42 گرادۋسقا دەيىن اياز بولادى

قازگيدرومەتتىڭ حابارلاۋىنشا، 2020 -جىلدىڭ 25-31 - جەلتوقسان ارالىعىندا ەلدىڭ سولتۇستىك جانە شىعىم ايماقتارىندا كۇن كۇرت سۋيدى.

«تەرمومەتر كورسەتكىشى 35-42 گرادۋسقا دەيىنگى مينۋس تەمپەراتۋرانى كورسەتەدى. ياعني قازاقستاننىڭ بۇكىل اۋماعىندا كۇن ادەتتەگىدەن سۋىق بولادى. جوعارىدا اتالعان كەزەڭنىڭ ورتاسىندا انلانتيكالىق سيكلوننىڭ ورنىن جىلۋ مەن ىلعالدىڭ مول قورى اۋىستىرادى. سول سەبەپتى ازداعان جاڭبىر مەن قار جاۋادى. اۋا تەمپەراتۋراسى قىسقا ارالىقتا جىليدى. الايدا كەزەڭنىڭ سوڭىندا سۋىق انتيتسيكلون قايتا ەنىپ، جاۋعان قار توقتاپ، قازاقستاندا قايتا اياز تۇسەدى: بۇل كەزدە قازاقستاننىڭ سولتۇستىك ايماقتارىندا 35-45 گرادۋسقا دەيىن كۇن سۋيدى»، - دەپ حابارلايدى قازگيدرومەتتەن.

سينوپتيكتەرگە سەنسەك، 2021 -جىلدىڭ 1 جانە 2 - قاڭتارىندا ەلوردادا كوشپەلى بۇلت ءجۇرىپ، سەكۋندىنا 5-10 مەترلىك جەل سوعادى. كۇندىز 25-30، تۇندە 32-37 گرادۋسقا دەيىن سۋىق بولادى. الماتىدا قاڭتاردىڭ العاشقى كۇندەرى كوشپەلى بۇلت جۇرەدى، جاڭبىر جاۋمايدى. كۇندىز 20-25، تۇندە 23-28 گرادۋسقا دەيىن سۋىق بولادى.

شىمكەنتتە تە 1 جانە 2 - قاڭتاردا كوشپەلى بۇلت جۇرگەنىمەن، جاڭبىر جاۋمايدى. سەكۋنددىنا 5-10 مەترلىك جەل سوعادى. كۇندىز 10-15، تۇندە 15-20 گرادۋسقا دەيىن سۋىق بولادى. جاڭا جىلدىڭ باسىندا سالقىن ءسىبىر انتيتسيكلونى قازاقستاننىڭ باسىم بولىگىندەگى اۋا- رايىن انىقتايدى. اۋا تەمپەراتۋراسى:

• باتىستا تۇندە مينۋس 10-20 گرادۋس، كۇندىز مينۋس 5-13 گرادۋس؛

• وڭتۇستىك باتىستا مينۋس 5-13 گرادۋس، كۇندىز -5 + 5 گرادۋس؛

• سولتۇستىك- باتىستا تۇندە مينۋس 25-33، كۇندىز مينۋس 12-20 گرادۋس؛

• سولتۇستىكتە، شىعىستا، ورتالىقتا مينۋس 32-37، كەي جەرلەردە مينۋس 43، كۇندىز مينۋس 25-35 گرادۋس؛

• وڭتۇستىكتە مينۋس 15-28 گرادۋس، كۇندىز مينۋس 10-20 گرادۋس؛

• وڭتۇستىك- شىعىستا مينۋس 23-35، كۇندىز مينۋس 20-28 گرادۋس بولادى.

اۆتور: ايان بەكەن ۇلى