كوروناۆيرۋس: اتىراۋدا ءبىر تاۋىلىكتە 42 جۇمىسشى ىندەت جۇقتىردى

وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنە قاراعاندا وتكەن تاۋلىكتە 61 ادامنان كوروناۆيرۋس ينفەكسياسى پ ت ر- تەست ارقىلى راستالعان.

«قاۋىپتى ىندەتكە شالدىققان ناۋقاستاردىڭ 19 ى اتىراۋ قالاسىندا تىركەلىپ وتىر. سونداي-اق، تەڭىز كەنىشىندەگى 42 جۇمىسشىدان كوروناۆيرۋس ينفەكسياسى انىقتالدى. ناۋقاستاردىڭ بارىندە اۋرۋ سيمپتومسىز، ءبىر ناۋقاستا سيمپتومدى تۇردە وتۋدە. ىندەت جۇقتىرعانداردىڭ بىرەۋى مەديتسينا مامانىنا ءوز ەركىمەن جۇگىنگەن» - دەپ حابارلادى باسقارمانىڭ باسپا ءسوز قىزمەتى.

وتكەن تاۋىكتە 11 پاتسيەنت قاۋىپتى ىندەتتەن ساۋىعىپ شىققان. قازىر كوروناۆيرۋس ينفەكسياسىنان جازىلىپ شىققاندار سانى 11401 ادامعا جەتتى. وبلىستىق ينفەكسيالىق ستاتسيوناردا 38, اۋداندارداعى ستاتسيونارلاردا 5 (يندەردە 3، قىزىلقوعادا 2)، ال، تەڭىز كەنىشىندەگى ينفەكسيالىق ستاتسيوناردا 174 ناۋقاس جاتىر. ءۇي جاعدايىندا 164 پاتسيەنت ەم قابىلداۋدا.

ەسكە سالا كەتەلىك، بۇدان بۇرىن تەڭىز كەنىشىندەگى ناۋقاستار سانى 102 ادامعا جەتكەنىن جازعان بولاتىنبىز.