قىتايدا كوروناۆيرۋس ينفەكتسياسىن جۇقتىرعانداردىڭ سانى 42 مىڭنان اسىپ كەتتى

نۇر- سۇلتان. قازاقپارات - دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى، قازاقستاننىڭ باس سانيتارلىق دارىگەرى جانداربەك بەكشين قىتايدا كوروناۆيرۋستان كوز جۇمعانداردىڭ سانى 1016 عا جەتكەنىن ءمالىم ەتتى، دەپ حابارلايدى قازاقپارات ءتىلشىسى.

«11 - اقپاندا ق ح ر- دىڭ بارلىق پروۆينتسيالارىندا، اۆتونومدى اۋداندارىندا جاڭا كوروناۆيرۋستىق پنيەۆمانيانىڭ 42648 راستالعان جاعدايى تىركەلدى. ونىڭ ىشىندە 1016 ى ولىممەن اياقتالعان. ءولىم كورسەتكىشى 2,3 پايىز. 3396 ادام (9,3 پايىزى) ساۋىعىپ شىعارىلدى. الەمدە 27 ەلدە كوروناۆيرۋستىڭ جاڭا تۇرىمەن سىرقاتتانۋدىڭ 448 راستالعان جاعدايى تىركەلدى. بۇل رەتتە ق ح ر- دا سىرقاتتانۋدىڭ ءوسۋ قارقىنى 31 - قاڭتاردان باستاپ 11 - اقپان ارالىعىندا 3,6 ەسە - 22 پايىزدان 6,1 پايىزعا دەيىن تومەندەدى. بۇل – ق ح ر- دا ەپيدەميولوگيالىق جاعدايدىڭ تۇراقتالۋ ءۇردىسى بايقالعانىن كورسەتەدى» ، - دەدى جانداربەك بەكشين و ك ق- دا وتكەن باسپا ءسوز ءماسليحاتىندا.

ونىڭ ايتۋىنشا، قازاقستاندا كوروناۆيرۋستىڭ تارالۋىنا جول بەرمەۋ ماقساتىندا وسى جىلدىڭ 6 -قاڭتارىنان باستاپ مەملەكەتتىك شەكارا ارقىلى وتەتىن بارلىعى 260 مىڭ ادام قارالعان.

«ونىڭ ىشىندە ق ح ر- دان كەلگەنى - 30852 ادام. بۇگىنگى تاڭدا تەمپەراتۋرامەن جانە جرۆي بار 140 ادام ەمدەۋگە جاتقىزىلدى. ونىڭ 113 ءى ساۋىعىپ شىقتى. 27 ءسى ستاتسيوناردا جاتىر. ناۋقاستاردىڭ جاعدايى قاناعاتتانارلىق. ەمدەۋگە جاتقىزىلعان ادامداردىڭ ەشقايسىسىندا كوروناۆيرۋس انىقتالعان جوق. مەديتسينالىق ۇيىمدار قىتايدان كەلگەن 23 مىڭ ادامنىڭ دەنساۋلىعىنا كۇنى بويى مونيتورينگ جاسايدى. بۇگىنگى كۇنى ينكۋباتسيالىق كەزەڭنىڭ اياقتالۋىنا بايلانىستى 15478 ادام مونيتورينگتەن الىندى. 8690 ادام مەديتسينالىق باقىلاۋدا تۇر. ەشكىم دە كوروناۆيرۋستىق ينفەكيتسيا كۇدىگى تىركەلگەن جوق» ، - دەدى ول.