14:08, 18 - جەلتوقسان 2015 | GMT +5
بۇتى كۇيگەن جولاۋشى اۋە كومپانياسىنان 42 مىڭ دوللار تالاپ ەتتى
استانا. قازاقپارات - يرلاندىق اۋە كومپانياسى ءبىر جولاۋشىعا 42 مىڭ دوللار تولەيتىن بولدى.
سەبەبى ستيۋاردەسسا جولاۋشىنىڭ ۇستىنە ىستىق شاي توگىپ العان. زارداپ شەككەن جولاۋشى دۋبلين وكرۋگتىق سوتىنا جۇگىنگەن.
بۇل تۋرالى The Daily Mirror حابارلادى.
بۇل وقيعا 2012-جىلى دۋبليننان لوندوندى بەت الىپ ۇشقان 33 جاسار يرلانديا تۇرعىنى ۋەكسفورد رونالد فۋرلونگتىڭ باسىنان ءوتىپتى. ۇشاق ستيۋاردەسساسىنىڭ قولىنان ىدىسى ءتۇسىپ كەتىپ، ىستىق شاي ول جىگىتتىڭ ەكى بۇتىنىڭ اراسىنا توگىلگەن.
زارداپ شەككەن جولاۋشى جان دالباسامەن ەلدىڭ كوزىنشە شالبارىن شەشۋگە ءماجبۇر بولعان.
ايتەۋىر امان-ەسەن ۇشىپ كەلگەن فۋرلونگ Ryanair اۋە كومپانياسىنىڭ قىزمەتكەرىن قاۋىپسىزدىك شارالارىن ساقتامادى دەپ ايىپتاپ، جەرگىلىكتى سوتقا شاعىمدانعان. جولاۋشى جەكە ومىرىندەگى بەلسەندىلىگىنە كۇيىپ قالعان جەرىنىڭ كەسىرى تيگەندىگى ءۇشىن وتەماقى تالاپ ەتكەن.
stan.kz
