مۇنايشىلار قايىرىمدىلىق باعدارلاماسى بويىنشا 42 الەۋمەتتىك جوبانى ۇسىندى - فوتو
«بۇل باعدارلاما ءوڭىردىڭ ەكونوميكالىق ورنىقتىلىعىن قامتاماسىز ەتۋگە، حالىقتىڭ ءال- اۋقاتىن ارتتىرۋعا، دەنساۋلىق ساقتاۋ، ءبىلىم بەرۋ، مادەنيەت، مادەني مۇرا، سپورت سالالارىن قولداۋعا باعىتتالدى»، - دەدى نكوك كومپانياسىنىڭ مەملەكەتتىك ورگاندارمەن ءوزارا ءىس-ارەكەت جانە سىرتقى بايلانىستار جونىندەگى مەنەدجەرى سەرىك يدرانوۆ.
شارا وبلىستىق بالالار كىتاپحاناسىندا باستالدى، كونسورتسيۋم كىتاپحانانى كومپيۋتەرلەرمەن، ينتەراكتيۆتىك جابدىقتارمەن قامتاماسىز ەتىپ، ءارى قاراي شارا ناشار ەستيتىن بالالارعا ارنالاعان مەكتەپتە جالعاستى.
ن ك و ك بالالاردىڭ دامۋىنا جاڭا جول اشاتىن مونتەسسوري سىنىبىن سىيعا تارتتى. تاعى ءبىر نىسان - ۆولەيبول مەن تاەكۆاندو فەدەراتسياسىندا سپورتشىلار جاڭا جابدىقتار مەن كيىمدەر الدى. ماقات اۋدانىنىڭ ورتالىق اۋرۋحاناسىنا مەديتسينالىق جابدىق بەرىلدى. دوسسور كەنتىنىڭ بالاباقشاسىنا ينتەراكتيۆتىك جابدىق، اتىراۋ وبلىستىق مۇگەدەكتەر قوعامىنا كومپيۋتەرلەر تابىس ەتىلدى.
«سوڭعى 16 جىلدا اتىراۋ، ماڭعىستاۋ وبلىستارىنا الەۋمەتتىك- ينفراقۇرىلىمدىق جوبالارعا كونسورتسيۋم 500 ميلليوننان استام ا ق ش دوللارىن ءبولدى، 159 جوبا ىسكە اسىرىلدى»، - دەپ حابارلادى س. يدرانوۆ.
