02:28, 25 - مامىر 2015 | GMT +5
پوليتسيا مەن ەسىرتكى مافياسى اراسىنداعى اتىستان 42 ادام قازا تاپتى
استانا. قازاقپارات- مەكسيكانىڭ ميچواكان شتاتىندا اتىستان 42 ادام قازا تاپتى. وندا پوليتسەيلەر مەن ەسىرتكى مافياسى مۇشەلەرىنىڭ اراسىندا قارۋلى قاقتىعىس بولعان.
جەرگىلىكتى اقپارات قۇرالدارىنىڭ حابارلاۋىنشا، بۇل ايماق وسى ەلدەگى ەڭ قاۋىپتى وڭىرگە جاتادى. ەسىرتكى ساۋداسىمەن اينالىساتىن قىلمىستىق توپتار بىرنەشە جىلدان بەرى ءوزارا قىرقىسىپ كەلەدى.
سوندىقتان ولار ءتارتىپ ساقشىلارىمەن دە ءجيى اتىسىپ، سوڭى قايعىلى وقيعامەن اياقتالىپ جاتادى. وتكەن اپتادا بەلگىسىز بىرەۋلەر مەر بولۋدان ءۇمىتتى ادامدى سايلاۋ الدىنداعى جيىن كەزىندە اتىپ كەتكەن بولاتىن.
