وڭ قولىن 42 جىل كوتەرىپ تۇرعان
1973 -جىلدان بەرى وڭ قولىن ءبىر سەكۋندقا تومەن تۇسىرمەگەن. تەك جوعارى كوتەرىپ تۇرادى. وسىلاي جۇرگەنىنە 42 جىل بولىپتى. سۋرەتكە قاراساڭىز، تىرناقتارى شيراتىلىپ، قولى اعاشتىڭ بۇتاعىنا ۇقساپ قالعان.
ءوزىنىڭ ايتۋىنشا ساۋساقتارى جان سەزبەيدى جانە الاقانىنان جابىسىپ قالىپتى. سۇيەكتەرى ءشىرىپ، تىرناقتارى دەفورماتسياعا ۇشىراعان.
1970 -جىلعا دەيىن بحاراتي قاراپايىم جۇمىسشى بولىپتى. جۇرتپەن بىرگە تۇرمىس كەشكەن. ايەلى مەن ءۇش بالاسى بولعان. جەكە ۇيلەرى، تۇراقتى جۇمىسى - بىلاي ايتقاندا بارلىعىنا قول جەتكىزگەن.
ءبىراق، ءومىردىڭ ءمانىن تابا الماپتى. ۇنەمى بىرنارسە جەتىسپەي تۇراتىنداي كورىنىپتى. سودان قاتتى ىزدەنىسكە ءتۇسىپ، اقىرى ۇندىلىك شيۆا قۇدايىنا قىزمەت ەتۋدى ويلايدى. ءبىر كۇندە جۇمىسىن، بالا-شاعاسىن، ءۇيىن بارلىعىن تاستاپ عيباداتحاناعا بارادى.
وندا دا ۇزاق وتىرا الماي ەل كەزىپ كەتەدى. كورىنگەن ادامعا ۋاعىز ايتىپ، ۇندىلىك شيۆا قۇدايىنىڭ قاعيدالارىن تۇسىندىرۋمەن بولادى. جۇرت ونى اۋليە ساناپ ۇيىنە قوناق ەتەدى، تاماق بەرەدى، ۋاعىز-ناسيحاتىن تىڭدايدى. بىلايشا ايتقاندا، ءار ۇيگە ءبىر قونىپ حان سياقتى ءومىر كەشىپ جۇرەدى.
وسىلايشا 3 جىل ۋاقىت وتكىزەدى. بحاراتيدىڭ ايتۋىنشا وسى 3 جىلدىڭ ىشىندە جامان تاكاپپارلىققا ۇرىنىپتى. ءوزىن اۋليە سەزىنىپ، وزگەگە ميىعىمەن قارايتىن بولعان. ءتىپتى قۇمارلىعىن دا تەجەي الماپتى. وزىنەن داۋا تىلەپ كەلگەن ايەلدەرگە ويى كەتىپ، مازاسى قاشادى. ءبىر كۇنى وڭ قولىمەن ءبىر ايەلدى قۇشاقتاپ تا الادى.
اقىرى، ويلانا كەلە وڭ قولىن جازالاماق بولادى. قولىن اسپانعا كوتەرىپ، ەشقاشان تۇسىرمەۋگە انت ەتەدى. سودان بەرى 42 جىل وتكەن. بحاراتي ۇيىقتاسا دا، تاماق ىشسە دە، ءتىپتى دارەت السا دا وڭ قولىن تۇسىرمەيدى. كەيىن كەلە قولى جانسىزدانىپ، قالىپتى جاعدايعا اينالىپ كەتەدى.
ەكىنشى بىرەۋلەردىڭ ايتۋىنشا، بحاراتي وڭ قولىن شيۆا قۇدايىنا ارناعان. الەمدەگى سوعىستى، قايعى- شەردى ازايتۋ ءۇشىن ءبىر قولىن قۇرباندىققا شالعان. ونى كورىپ كوپ ادام بحاراتيدىڭ ىزىنە ەرەدى. ولار دا قولدارىن كوتەرىپ، الەمدە بەيبىتشىلىك پەن ماحابباتتى ورناتامىز دەپ ۇراندايدى.
دەگەنمەن، ءوز دەنە مۇشەسىن قۇربان ەتۋ وڭاي ەمەس قوي. كوبىسى يدەياسىنان باس تارتقان. قازىرگى كەزدە بحاراتيدىڭ ءۇش قانا شاكىرتى قالعان. بىرەۋىنە 30 جىل، بىرەۋىنە 18 جىل، بىرەۋىنە 12 جىل بولىپتى قولىن كوتەرىپ كەلە جاتقانىنا.
العاشقى 5 جىل بويى بحاراتيدىڭ قولى قاتتى اۋىرعان. جانى كوزىنە كورىنگەندە شيۆانىڭ ەسىمىن قاتتى ايتىپ ايقايلاپ، ەسىنەن تانىپ قالادى ەكەن. 7 جىلعا كەلگەندە ول قولىنىڭ نە بار ەكەنىن، نە جوق ەكەنىن سەزبەگەن. ال، سوڭعى 35 جىلدا قولىنىڭ بار ەكەنىن مۇلدە ۇمىتىپ كەتكەن.
اماردىڭ ءوزى ماريحۋانا شەككەندى قاتتى جاقسى كورەدى. كەزىندە قولى اۋىرعان كەزدە دە، ەمىن ماريحۋانادان تاپقان. ونىڭ تۇسىنىگىنشە شيۆاعا جەتۋدىڭ ءبىر جولى ماريحۋانا شەگىپ، ەس- تۇسىنەن ايرىلۋ. ونىڭ جانىندا جۇرگەن ادامدار دا كۇنى بويى تەك ماريحۋانا شەگىپ جاتادى.
بحاراتي جايلى ءۇندىستان حالقىنىڭ تۇسىنىگى ەكى جارىلعان. ءبىرى ونى شيۆانىڭ جەردەگى ورىنباسارى دە تانيدى جانە قۇرباندىعى تاڭقالارلىق دۇنيە. ال، ەندى ءبىرى جارىمەس قاڭعىباس دەپ بىلەدى. ولار ءۇشىن ءبىر قولىن كوتەرىپ، ءناپسىسىن قيناۋ ناعىز اقىماقتىق.
ءبىراق، كىم نە ايتسا ونى ايتسىن، بحاراتيدى كورۋگە جەر-جەردەن تۋريستەر اعىلىپ كەلەدى ەكەن.
degdar.kz
