قازاقستاندىقتاردىڭ 42 پايىزى ءدارىنى جارناماعا سەنىپ ساتىپ الادى
«قازاقستان ءۇشىن عانا ەمەس، الەمنىڭ بارشا حالىقتارى ءۇشىن ۇلكەن پروبلەمالاردىڭ ءبىرى - مەديتسينالىق ونىمدەردىڭ ينتەرنەت ارقىلى ساتىلۋى. ويتكەنى، وكىنىشكە قاراي، ءبىزدىڭ ازاماتتارىمىز ينتەرنەتتەردە جارنامالاناتىن ءدارى-دارمەكتى ساتىپ الۋدى ادەتكە اينالدىرعان. ماسەلەن، جاقىندا جۇرگىزىلگەن زەرتتەۋلەرگە سۇيەنسەك، قازاقستاندىقتاردىڭ 42 پايىزى دارىلىك زاتتاردى جارناماعا سەنىپ ساتىپ الادى»، - دەيدى ساليدات قايىربەكوۆا.
سونىمەن قاتار، ءمينيستردىڭ دەرەگى بويىنشا، ەلىمىزدەگى ءاربىر ەكىنشى قازاقستاندىق دارىلىك زاتتاردى دارىگەردىڭ تاعايىنداۋىنسىز-اق قابىلداي بەرەدى ەكەن. سونداي-اق، ءاربىر ەكىنشى قازاقستاندىق دارىگەردىڭ كەڭەسىنسىز انتيبيوتيكتەردى قابىلداپ جۇرگەن كورىنەدى.
«انتيبيوتيكتەردى دارىگەردىڭ كەڭەسىنسىز قابىلداۋ - ءوز دەنساۋلىعىنا ءوز قولىمەن زالال كەلتىرۋ دەگەن ءسوز. سوندىقتان دا، جۇرتشىلىقتىڭ ءدارى-دارمەككە قاتىستى قۇقىقتىق ساۋاتتىلىعىن ارتتىرۋدى ءجون سانايمىز، وسى باعىتتا ەكىنشى جىل قاتارىنان ەلىمىزدە 16 دارىلىك-اقپاراتتىق ورتالىقتار جۇمىس ىستەۋدە»، - دەيدى مينيستر. ونىڭ سوزىنە قاراعاندا، اتالمىش ورتالىققا سوڭعى جىلدارى جۇرتشىلىق كوبىرەك جۇگىنە باستاعان.
اۆتور: قانات مامەتقازى ۇلى
