شەكاراشىلار سارى اعاشتا زاڭسىز جۇرگەن 428 وزبەك ازاماتىن انىقتادى - فوتو

استانا. قازاقپارات - ۇجىمدىق قاۋىپسىزدىك كەلىسىمشارتى ۇيىمىنا مۇشە- مەملەكەتتەردىڭ زاڭسىز كوشى- قونعا، ادام ساۋداسىنا قارسى تۇرۋ تۋرالى شەشىمىنە سايكەس وسى جىلدىڭ 18-23 - مامىر ارالىعىندا ەلىمىزدە «نەلەگال-2015» جەدەل- ساۋىقتىرۋ ءىس- شارالارى وتكىزىلدى.

بۇل تۋرالى ق ر  ۇ ق ك شەكارا قىزمەتىنىڭ باسپا ءسوز قىزمەتىنەن حابارلادى.

 اتالعان مەرزىم ىشىندە شەكارا قىزمەتىنىڭ «وڭتۇستىك» وڭىرلىك باسقارماسىنا قاراستى «سارى اعاش» شەكارا وتريادىنىڭ اسكەري قىزمەتشىلەرى جەرگىلىكتى قۇقىققورعاۋ ورگاندارىمەن بىرلەسە وتىرىپ قازاقستان رەسپۋبليكاسىنىڭ كوشى- قون زاڭدىلىعىن بۇزىپ جۇرگەن شەتەل ازاماتتارىن انىقتاۋ ءىس- شاراسىن جۇرگىزدى.

ناتيجەسىندە، اتالعان وتريادتىڭ اسكەري جاۋىنگەرلەرى ەلىمىزدە قۇجاتتارى دۇرىس ەمەس، زاڭسىز جۇرگەن وزبەكستان رەسپۋبليكاسىنىڭ 428 ازاماتىن ۇستادى.

 ۇستالعانداردىڭ بارلىعى جەرگىلىكتى ىشكى ىستەر ورگاندارىنا تاپسىرىلدى.