42500 تەڭگە كولەمىندەگى الەۋمەتتىك كومەك تاعىدا بەرىلدى

الماتى. قازاقپارات - توتەنشە جاعدايدىڭ جاريالانۋىنا بايلانىستى تابىسىنان ايىرىلعان 441 مىڭنان استام الماتىلىق 42500 تەڭگە كولەمىندە مەملەكەتتىك الەۋمەتتىك كومەك الدى، دەپ حابارلايدى قازاقپارات ءتىلشىسى.

قالا اكىمدىگى تاراتقان اقپاراتقا سايكەس، جالپى 18,8 ميلليارد تەڭگە 441736 ادامعا بەرىلگەن. ءبىرىنشى ايدا - 371933 ادام، ەكىنشى ايدا 69803 ادام الدى. سونىمەن قاتار، 15 مىڭنان استام تۇرعىن العان قارجىنى قايتارىپ بەرگەن. وتىنىمدەردى قايتا قاراۋ جۇمىستارى ءالى دە جالعاسۋدا. ءتۇرلى سەبەپتەرمەن الەۋمەتتىك تولەم الا الماعان تۇرعىندار ءۇشىن وتىنىشتەردى قاراۋ ءتارتىبى بەكىتىلدى. ول ءۇشىن ازاماتتار شتابقا كىرىستەرىن جوعالتقانىن راستايتىن قۇجاتتاردى وتكىزۋ قاجەت. ءوتىنىشتى قالالىق الەۋمەتتىك ءال-اۋقات باسقارماسى قابىلدايدى.