ەڭبەك مينيسترلىگى 42500 تەڭگەگە وراي ءجيى قويىلاتىن ساۋالدارعا جاۋاپ بەردى

«ولاردىڭ ەڭ ءبىرىنشىسى - 1 جىلدان 3 جىلعا دەيىن بالا كۇتىمىنە بايلانىستى دەمالىستا وتىرعان ايەلدەر ءوتىنىم بەرە الا ما؟ ەگەر تابىسى بولسا جانە توتەنشە جاعدايعا بايلانىستى ونى جوعالتسا، وندا ءيا. ءبىرىڭعاي جيىنتىق تولەم جاساپ، كەلەسى كۇنى ءوتىنىم بەرۋى قاجەت. ەكىنشىسى - ستۋدەنتتەر ءوتىنىم بەرە الا ما؟ ەگەر ستۋدەنت توتەنشە جاعدايعا دەيىن جۇمىس ىستەپ، ت ج-عا بايلانىستى تابىسىنان ايىرىلسا، الەۋمەتتىك/زەينەتاقى تولەمى/ب ج ت- سى بولسا، وندا ول ءوتىنىم بەرە الادى»، - دەپ اتاپ وتەدى ۆيتسە- مينيستر Instagram پاراقشاسىندا.

الەۋمەتتىك تولەم تولەۋدەن باس تارتۋلاردىڭ نەگىزگى سەبەبىن سۇراۋشىلار دا كوپ.

«ءبىرىنشىسى - بۇل ج س ن-ى قاتە تەرىلگەن وتىنىمدەر. مۇنداي شامامەن 160 مىڭ ءوتىنىم بار. ءوتىنىمدى قايتا جىبەرۋگە كەڭەس بەرىلەدى. ەكىنشىسى مەملەكەتتىك ورگانداردىڭ جانە مەملەكەتتىك ورگاندار باسقاراتىن مەكەمەلەردىڭ قىزمەتكەرلەرىنە باس تارتىلدى. توتەنشە جاعداي كەزىندە مەملەكەتتىك ورگانداردىڭ قىزمەتى توقتاتىلعان جوق. ولاردىڭ قىزمەتكەرلەرى قاشىقتان جۇمىس ىستەۋ فورماتىنا كوشتى. سوعان وراي بۇل ساناتتاعىلار توتەنشە جاعدايعا بايلانىستى كىرىسىنەن ايىرىلۋى مۇمكىن ەمەس. ءۇشىنشىسى، ءبىرىڭعاي جيىنتىق اۋدارىمى جوق كەز كەلگەن ساناتتاعى ازاماتتارعا باس تارتىلعان شەشىم بولدى. ماسەلەن، زەينەتكەر نەمەسە اسا قاجەتتىلىگى بار تۇلعا توتەنشە جاعدايعا دەيىن جۇمىس ىستەسە جانە ونىڭ ت ج ەنگىزىلگەن كۇنگە دەيىن ب ج ت- سى نە الەۋمەتتىك تولەمى بولسا، وندا وعان تاعايىندالادى. ەگەر زەينەتكەر رەسمي جۇمىس ىستەپ، اۋدارىمدارى بولسا (بوساتىلعان)، وندا وعان جۇمىس بەرۋشىسى ءوتىنىم بەرۋى ءتيىس. بۇل ت ج- گە دەيىن بەيرەسمي جۇمىس ىستەپ، ت ج ەنگىزىلگەن كۇنگە دەيىن ب ج ت تولەگەندەرگە قاتىستى»، - دەپ تۇسىندىرەدى ن. مۇقىشەۆ.

سونىمەن قاتار ۆيتسە-مينيستر ءوتىنىم ماقۇلدانعانىمەن اقشانىڭ تۇسپەۋ سەبەبىن دە جان- جاقتى تارقاتىپ بەردى.

«وزدەرىڭىز دە بىلەسىزدەر، وسى ساۋالداردى العاننان كەيىن تاياۋدا تەلەگرام-كانالدا قاراجاتتىڭ ۇزاق اۋدارىلۋىنا قاتىستى ساۋالناما جۇرگىزدىم. ونىڭ ناتيجەسىندە بۇل ماسەلەلەرگە قاتىستى بانكتەرمەن جۇمىس ىستەدىك. ماسەلەن، كەيبىر بانكتەردە شىنىمەن دە كەشىگۋلەر بولعانى انىقتالدى. ءبىراق، ولار قازىرگى ۋاقىتتا جويىلدى. ناقتى سيفرلارمەن ايتار بولساق، وندا بۇگىنگى كۇنى شامامەن 930 مىڭ ءوتىنىم بەرۋشى ەسەپشوت ءنومىرىن كورسەتپەگەن نەمەسە IBAN جازۋ بارىسىندا قاتەلىكتەر جىبەرگەن. 800 مىڭ ءوتىنىم بويىنشا بانكتەرمەن ساراپتاما جۇرگىزىپ، اقشا اۋدارۋ تەتىكتەرىن قاراستىردىق. قالعان 130 مىڭنىڭ IBAN ى تابىلمادى. بۇل ازاماتتاردىڭ بارلىعىنىڭ تەلەفون نومىرىنە ەسەپشوت نومىرىنە سۇراۋ سالىنعان س م س جىبەرىلەتىن بولادى. وعان ەسەپشوت ءنومىرىن دۇرىس كورسەتىپ، جاۋاپ بەرۋ قاجەت. جىبەرەر الدىندا بارىنشا مۇقيات بولۋدى جانە قاتالاپ تەكسەرىپ الۋدى وتىنەمىن»، - دەدى ۆيتسە- مينيستر.

اۆتور: مارلان جيەمباي