ءبىرجان نۇرىمبەتوۆ جاۋابى: 42500 تەڭگە بارلىق ادامعا نەگە بىردەي بەرىلمەيدى

«نەگە 42500 تەڭگە بارلىق ازاماتقا بىردەي بەرىلمەيدى؟ ەندى وسىنى ءتۇسىندىرىپ بەرەيىن. توتەنشە جاعدايعا بايلانىستى ۇكىمەت تاراپىنان ءبىراز كومەك قاراستىرىلدى، قاراستىرىلىپ جاتىر دا. ءبىر جاعىنان نەسيەلەر، سالىقتار، قارىزدار شەگەرىلدى. زەينەتاقى مەن جاردەماقى توقتاعان جوق. ولار قايتا ۇلعايدى. جاڭا قاراجات تولەنگەنگە دەيىن ءساۋىر ايىن تولەپ قويعانبىز. سوندىقتان زەينەتاقى مەن جاردەماقىنى كوتەرىلگەن مولشەرىن مامىر ايىندا ساۋىردەگى قوسىلعان ۇستەمەمەن بىرگە تولەنەدى. حالىقتىڭ ءالجۋاز توپتارىنا كوممۋنالدىق شىعىنداردى وتەۋگە 15 مىڭنان تولەم ەنگىزىلدى. ونى دا وسى جەرگە ءتيىستى ماماندار كەلىپ تۇسىندىرەدى. ازىق- تۇلىك جاعىنان دا كومەك قاراستىرىلدى»، - دەدى مينيستر.

ونىڭ اتاپ وتۋىنشە، وسىنداي كوپ كومەكتىڭ ءبىرى - توتەنشە جاعدايعا بايلانىستى الىپ جۇرگەن جالاقىسىنان، تاۋىپ جۇرگەن تابىسىنان ايىرىلعاندارعا بەرىلەتىن 42500 تەڭگە «سوندىقتان بۇل بولەك تولەم بولعاننان كەيىن ونىڭ شارتتارى بار. نەگىزگى شارتى - الىپ جۇرگەن جالاقىڭىزدان، تاۋىپ جۇرگەن تابىسىڭىزدان توتەنشە جاعداي سالدارىنان ايىرىلعان جاعدايدا تولەنەتىن تولەم»، - دەدى ءبىرجان نۇرىمبەتوۆ.

اۆتور: مارلان جيەمباي