42500 تەڭگە: ەڭبەك مينيسترلىگى ەڭ ءجيى قويىلاتىن سۇراقتارعا جاۋاپ بەردى
ايتا كەتسەك، ناريمان مۇقىشەۆ بۇعان دەيىن Telegram پاراقشاسىندا ەڭبەك جانە حالىقتى الەۋمەتتىك قورعاۋ مينيسترلىگىنىڭ سيفرلاندىرۋ كەڭسەسى 42500 تەڭگەنى الۋ قۇقىعىڭىز بار-جوعىن قالاي تەكسەرىپ بەرەتىن قىزمەتتى ىسكە قوسقانىن حابارلاعان ەدى.
«ەڭ ءبىرىنشى كەزەكتە بەرىلگەننەن باستاپ ناتيجە شىققانعان دەيىن ءوتىنىم قانداي كەزەڭدەردەن وتەتىنىن تۇسىندىرە كەتكىم كەلەدى. ەگەر ءوتىنىم جۇمىس بەرۋشىدەن كەلسە ول جۇمىسپەن قامتۋ ماسەلەلەرى بويىنشا اۋداندىق شتابقا تۇسەدى. ءوتىنىم 12 ساعاتتىڭ ىشىندە اۆتوماتتى اناليزدەن وتەدى. ارتىنشا 1 كۇننىڭ ىشىندە شەشىمدى قابىلداۋ ءۇشىن ءوتىنىم قارالادى دا، ونىڭ تاعايىندالعانى نەمەسە تاعايىندالماعانى تۋرالى حابار بەرىلەدى. الەۋمەتتىك تولەم تۋرالى ءوتىنىم ماقۇلدانعان جاعدايدا اقشا جۇمىس كۇنى تاپسىرىلادى»، - دەپ جازادى ناريمان مۇقىشەۆ Telegram پاراقشاسىندا.
ۆيتسە- مينيستر سونىمەن قاتار حالىقتان كوپ تۇسەتىن سۇراقتارعا توقتالدى.
سۇراق: ج س ن ءنومىرىن ەنگىزگەنىممەن ول جەكە كۋالىكتىڭ نومىرىنە نەگە سايكەس كەلمەيدى دەپ شىعادى؟
جاۋاپ: بۇل جەردە ەكى سەبەپ بولۋى مۇمكىن. ءسىز ج س ن نەمەس جەكە كۋالىك ءنومىرىن ەنگىزگەن كەزدە قاتەلەسۋىڭىز مۇمكىن. بولماسا قۇجات جوعالىپ، كۇشى جويىلعان.
سۇراق: ءسىزدىڭ ءوتىنىمىڭىزدى جۇمىسپەن قامتۋ بويىنشا شتاب قاراپ جاتىر، 4 قادامنىڭ 1 -قادامىنداسىز دەگەن نەنى بىلدىرەدى؟ بۇل قادام تاعى ءبىر كۇنگە سوزىلا ما؟
جاۋاپ: ياعني ول ءوتىنىم ءسىزدىڭ جۇمىس بەرۋشىڭىزگە جولدانعان. ءبىر كۇننىڭ ىشىندە ول اۆتوماتتى اناليزدەن وتەدى. مۇنداي جاۋاپ تابىسسىز دەمالىسقا شىعىپ كەتكەن جالدامالى جۇمىسشىلارعا كوبىنەسە بەرىلۋى مۇمكىن.
سۇراق: ءسىزدىڭ ءوتىنىمىڭىز تولەمدى تاعايىنداۋ ەرەجەسىنە سايكەس اۆتوماتتى اناليزدە» دەگەن ءسوز نەنى بىلدىرەدى؟ (اۋدارىم، ب ج ت) (4 قادامنىڭ 2-قادامى). كەلەسى قادامعا 12 ساعاتتان كەيىن وتەسىز دەگەن نەنى بىلدىرەدى؟
جاۋاپ: ءوتىنىمنىڭ تولەمدى تاعايىنداۋ ەرەجەلەرىنە سايكەستىگى اۆتوماتتى اناليز بويىنشا تەكسەرىلەدى. 12 ساعاتتىڭ ىشىندە ءسىزدىڭ ءوتىنىمىڭىز كەلەسى كەزەڭگە وتەدى.
سۇراق: «شەشىم قابىلداۋ ءۇشىن ءوتىنىمدى قاراستىرۋ» دەگەن نەنى بىلدىرەدى؟ (4 قادامنىڭ 3- قادامى). اتالمىش قادامدى قاراۋ ۋاقىتى 1 جۇمىس كۇنىنە سوزىلادى دەۋىنىڭ سەبەبى نەدە؟
جاۋاپ: بۇل كەزەڭدە جۇيەدە قالىپتاسقان ەلەكتروندى قۇجاتتاردىڭ تولىمدىلىعى مەن دۇرىستىعى قارالادى. بۇل پروتسەس ءبىر جۇمىس كۇنىنە سوزىلادى.
سۇراق: «ءسىزدىڭ ءوتىنىمىڭىز 42500 تەڭگەنى تاعايىنداۋ بويىنشا شەشىمدى قابىلداۋ كەزەڭىندە؟» دەگەن نەنى بىلدىرەدى (4 قادامنىڭ 4-قادامى). اتالمىش قادامدى قاراۋ ۋاقىتى 1 جۇمىس كۇنىنە سوزىلادى دەۋىنىڭ سەبەبى نەدە؟
جاۋاپ: ءوتىنىم بەرۋشىنىڭ مىندەتتى الەۋمەتتىك ساقتاندىرۋ جۇيەسىندە قاتىسۋ- قاتىسپاۋى (جەكە كاسىپ بويىنشا زەينەتاقى/الەۋمەتتىك اۋدارىمى، ب ج ت)، ەرەجەنىڭ باسقا دا شارتتارىنا سايكەستىگى تەكسەرىلەدى.
سۇراق: ەگەر 42500 تەڭگە تاعايىندالدى! ەگەر ءسىز IBAN دەپ قالدىرساڭىز، اقشا جاقىن ارادا جۇمىس كۇنىندە تۇسەدى. ەگەر IBAN دۇرىس كورسەتىلمەسە نەمەسە دۇرىس بولماسا وندا سىزگە س م س كەلەدى. بۇل دەگەنىڭىز اقشانىڭ تۇسكەنىن بىلدىرە مە؟
جاۋاپ: ءيا، بۇل دەگەنىڭىز IBAN دۇرىس كورسەتىلسە جاقىن اراداعى جۇمىس كۇنىندە اقشانىڭ سىزگە جىبەرىلەدى. الايدا IBAN دۇرىس كورسەتىلمەسە نەمەسە دۇرىس بولماسا، وندا سىزگە IBAN سۇرانىسى بويىنشا س م س- حابارلاما كەلەدى.
«سونىمەن قاتار IBAN سۇرانىمى 2020 -جىلدىڭ 4-ساۋىرىنە دەيىن كەلگەن ازاماتتار دا بولادى. ەگەر ءسىز جاۋاپ رەتىندە وعان IBAN دەر جولداساڭىز، سەرۆيس ءسىزدىڭ ءوتىنىمىنىڭىزدىڭ تابىلماعانىن بىلدىرەدى. ءوتىنىمدى egov.kz, 42500.enbek.kz نەمەسە تەلەگرام-بوت ارقىلى جىبەرىڭىز. بۇل ءوتىنىم مىندەتتى تۇردە قارالادى»، - دەيدى ناريمان مۇقىشەۆ.
