ءبىرجان نۇرىمبەتوۆ 42500 تەڭگە توڭىرەگىندەگى سۇراقتارعا جاۋاپ بەردى
«42500 تەڭگەلىك تولەمنىڭ ءوزى جايىندا تۇسىندىرە كەتەيىن. 42500 تەڭگە اي سايىن ءارى ءبىر رەت تولەنەدى. ماسەلەن، توتەنشە جاعداي رەجيمى تاعى ءبىر ايعا (15-مامىرعا دەيىن) ۇزارتىلسا، 42500 تەڭگە تاعايىندالعان ادامدار ونى 15-ساۋىردەن كەيىن دە الا بەرەدى. سونىمەن قاتار سىزگە قايتادان ءوتىنىش بەرۋدىڭ قاجەتى جوق. ءبىز تولەمدى اۆتوماتتى تۇردە ۇزارتامىز»، - دەپ جازدى مينيستر Facebook پاراقشاسىندا.
ءمينيستردىڭ تۇسىندىرۋىنشە بۇل تولەم اي سايىن تولىق كولەمدە تولەنەدى. ياعني، مىسالى الەۋمەتتىك تولەم 14-ساۋىردە تاعايىندالسا (ياعني، توتەنشە جاعدايدىڭ ءبىرىنشى ايىنىڭ اياقتالۋىنا ءبىر كۇن قالسا دا)، وندا ول تولەم تولىق كولەمدە بەرىلەدى.
«جەكە تابىس سالىعى، مىندەتتى زەينەتاقى جارناسى جانە باسقا اۋدارىمدار 42500 تەڭگەدەن ۇستالمايدى. سونداي-اق بانكتەر مەن ۇيىمدارعا وسى سومادان قارىز وندىرۋگە تىيىم سالىنادى (نەسيەلەر، كوممۋنالدىق تولەمدەر جانە ت. ب. ءۇشىن). ب ج ز ق- داعى زەينەتاقى جارنالارىنا 42500 دەن ۇستالماعانىنا قاراماستان، بۇل ايلار بولاشاقتا بازالىق جانە بىرلەسكەن زەينەتاقى تاعايىنداۋ كەزىندەگى ەڭبەك ءوتىلى رەتىندە ەسكەرىلەدى. ءوتىنىش بەرۋشى وسى ايلارداعى تابىستى وزىنە ىڭعايلى كەز-كەلگەن ايلارمەن الماستىرا الادى. 42500 تەڭگە تولەمى اتاۋلى الەۋمەتتىك كومەك تاعايىنداۋ كەزىندە كىرىستەرگە قوسىلمايدى»، - دەيدى ول.
ءبىرجان نۇرىمبەتوۆ سونىمەن قاتار زەينەتكەرلەر مەن مەملەكەتتىك جاردەماقى الۋشىلار ءۇشىن ءتيىستى تولەم اي سايىن جۇرگىزىلەتىنىن ەسكە سالدى.
«زەينەتاقى مەن مەملەكەتتىك جاردەماقى اي سايىن تولەنەدى. ءارى قاراي ولارعا 1 ساۋىردەن باستاپ مولشەرىن يندەكساتسيالاۋ ارقىلى تولىق اقى تولەنەدى. ەلدە 4 ميلليوننان استام ادام جىلىنا 3,5 تريلليون تەڭگەنى قۇرايتىن زەينەتاقى مەن جاردەماقى الىپ وتىر. وسىلايشا اتالمىش سانات ءۇشىن 42500 تەڭگە بەرىلمەيدى. ءبىراق ەگەر زەينەتكەر نەمەسە مۇگەدەك توتەنشە جاعداي جاريالاعانعا دەيىن مەملەكەتتىك جاردەماقى الىپ جۇرسە، ياعني 16-ناۋرىزعا دەيىن ول رەسمي تۇردە جۇمىس ىستەگەن بولسا (جۇمىسكەر، جەكە كاسىپكەر نەمەسە ب ج ت تولەۋشىسى بولعان جاعدايدا)، وندا ول 42500 تەڭگەگە ءوتىنىش بىلدىرە الادى. ايتسە دە ەگەر ول توتەنشە جاعدايدىڭ ەنگىزىلۋىنە بايلانىستى وسى كىرىسىن جوعالتقانىن كورسەتۋى ءتيىس»، - دەيدى مينيستر.
ال ەگەر زەينەتكەر نەمەسە مەملەكەتتىك جاردەماقىنى الۋشى توتەنشە جاعداي الدىندا رەسمي تۇردە جۇمىس ىستەمەسە، توتەنشە جاعداي جاريالانعاننان كەيىن، ياعني 16-ناۋرىزدان كەيىن ولارعا 42500 تەڭگە بولىنبەيدى. ولارعا ب ج ت تولەپ، ءوتىنىش بەرۋ قاجەتى جوق.
«زاڭگەرلەر توتەنشە جاعدايعا دەيىن رەسمي تۇردە جۇمىس ىستەگەن زەينەتكەرلەرىڭ كىرىسىن جوعالتۋىنا بايلانىستى 42500 تەڭگە الا المايتىندىعىن ەسكە سالىپ جاتىر. ويتكەنى زاڭ بويىنشا زەينەتكەرلەر مەملەكەتتىك الەۋمەتتىك ساقتاندىرۋ قورىنا (مەملەكەتتىك الەۋمەتتىك ساقتاندىرۋ قورى، وعان 42500 تولەنەتىن) الەۋمەتتىك جارنالار تولەۋدەن بوساتىلادى. ءبىز مۇنى بىلەمىز. بۇل ماسەلەنى تۇسىندىرە كەتەيىن. ازامات ب ج ت تولەگەن كەزدە ول سوما (2651 تەڭگە) ءتورت تولەمگە بولىنەدى (جەكە تابىس سالىعى، بيۋدجەتكە تولەنەتىن الەۋمەتتىك اۋدارىمدار، ب ج ز ق- عا زەينەتاقى جارنالارى جانە مەديتسينالىق ساقتاندىرۋعا).
زاڭعا سايكەس، زەينەتكەرلەر مەملەكەتتىك الەۋمەتتىك ساقتاندىرۋ قورىنا الەۋمەتتىك جارنالاردى تولەۋدەن بوساتىلعاندىقتان (ب ج ز ق مەن ق ق ا ج تولەمدەرىنەن دە)، ب ج ت- نىڭ بار سوماسى بيۋدجەتكە - جەكە تابىس سالىعى رەتىندە تۇسەدى. ءبىراق زەينەتكەرلەر ءۇشىن ءبىز ەرەكشە الەۋمەتتىك جاعداي جاساپ، ولار تولەگەن ب ج ت- نى ونىڭ رەسمي جۇمىسى رەتىندە مويىندادىق»، - دەيدى مينيستر.
