گەرمانيا تۇرعىنى 422 ەۋروعا شاشىن كەسۋگە جازىلىپ، شاشتاراز رەكورد ورناتتى

ايتا كەتەيىك، وندا شاشتارازدار 2020-جىلدىڭ جەلتوقسانىندا جابىلعان بولاتىن، - دەپ حابارلايدى ر ي ا نوۆوستي.

باسىلىم مالىمەتىنە قاراعاندا، گەرمانيادا كوسمەتيكالىق ورتالىقتار، ماسساج، سپا-سالوندار مەن شاشتارازدار 2020-جىلدىڭ 16- جەلتوقسانىنان باستاپ جابىق. بۇل ەلدەگى كوروناۆيرۋس پاندەمياسىنىڭ ەكىنشى تولقىنىمەن كۇرەسۋ ءۇشىن 2- قاراشادا ەنگىزىلگەن شەكتەۋلەر. ولار 1- ناۋرىزدا اشىلادى.

«بايرويت تۇرعىنى شاشتاراز اندرەاس نۋيسسل كارانتين اشىلعاننان كەيىنگى شاش كەسۋگە العاشقى جازباسىن Ebay الاڭى ارقىلى اۋكتسيونمەن ساتۋدى ۇيعارعان. نۋيسسل حابارلاندىرۋدى 10- اقپاندا جاريالادى، ال سوڭعى ۇسىنىس 20- اقپاندا ميحاەل حوپفتەن ءتۇستى - 422 ەۋرو»، - دەپ جازىلعان پورتالدا.

نۋيسسلدىڭ ايتۋىنشا، بۇل اقشانى گەرمانيادا جانە بۇكىل الەمدە بالالارعا كومەك كورسەتۋ جوبالارىمەن اينالىساتىن ەكى قوعامدىق ۇيىمعا جۇمسايدى.

21- اقپاندا، ول الەۋمەتتىك جەلىلەردە اۋكتسيون جابىلعانىن جازسا. قوسىمشا 1310 ەۋرو قايىرىمدىلىققا جينالعانى دا حابارلاندى.

«مەن ناۋرىزدا قوعامدىق ۇيىمدارعا قاراجات جيناۋ ناۋقانىن جالعاستىرامىن»، - دەدى ول Facebook-تە.