وڭتۇستىك كورەيادا كوروناۆيرۋس جۇقتىرعاندار سانى 4212 گە جەتتى
نۇر-سۇلتان. قازاقپارات - وڭتۇستىك كورەيادا سوڭعى ءبىر تاۋلىكتە تاعى 476 ادام كوروناۆيرۋستى جۇقتىرىپ، ىندەتكە شالدىققانداردىڭ سانى 4212-گە جەتتى، دەپ حابارلايدى «حابار 24».
دەرتتەن تاعى 4 تۇرعىن كوز جۇمدى. كوروناۆيرۋستى جۇقتىرعانداردىڭ كوبى تەگۋ قالاسى مەن كينسان- پۋكتو پروۆينتسياسىنىڭ تۇرعىندارى. سەۋلدە دە اۋىرعانداردىڭ قاتارى ءوسىپ، 91-گە جەتكەن. قالادا ساۋدا ورىندارىن زالالسىزداندىرۋ ءجۇرىپ جاتىر. بيلىك ىندەتتەن تونگەن قاۋىپتىڭ دەڭگەيىن ەڭ جوعارى دەڭگەيگە كوتەردى. ىندەتتىڭ تارالۋىنا توسقاۋىل قويۋ ءۇشىن دەرتپەن كۇرەسكە اسكەري دارىگەرلەر جۇمىلدىرىلىپ جاتىر.
كيم تە حون، ستۋدەنت:
- شىنىمدى ايتسام، قازىرگى جاعداي قاتتى الاڭداتادى. مەنىڭ ۇيىمە جاقىن جەردەگى اۋداندا ءبىر ادامنىڭ دەرتكە شالدىققانىن ەستىدىم. مۇمكىن كوشەدە مەن ونىڭ قاسىنان وتكەن دە شىعارمىن. بۇل وتە جۇقپالى دەرت، سوندىقتان نە ىستەيتىنىمدى بىلمەيمىن. كوشەگە شىعۋعا قورقاتىن بولدىم.
www.24.kz
