جەر سىلكىنىسىنەن قۇربان بولعاندار سانى 420 ادامعا جەتتى

None
None
 استانا. قازاقپارات - يندونەزيانىڭ سۋلاۆەسيدا جەر سىلكىنىسى مەن سۋناميدەن قۇربان بولعاندار سانى 420 ادامعا جەتتى.

تابيعي اپات سالدارىنان قازا تاپقاندار اراسىندا قازاقستاندىقتار جوق، دەپ حابارلايدى ق ر س ءى م.

يندونەزيانىڭ ۇلتتىق تابيعي اپاتتاردىڭ الدىن الۋ جونىندەگى اگەنتتىگىنىڭ مالىمەتىنشە، قۇرباندار سانى پالۋ قالاسىندا كوپ. 350 مىڭ حالقى بار بۇل قالا ەل استاناسى دجاكارتادان 1600 شاقىرىم جەردە ورنالاسقان. قالاداعى 540 ادام زارداپ شەكتى. جۇما كۇنى وسى جەردە فەستيۆال ءوتۋى ءتيىس بولعان. ادامدار جاعاجايدا دايىندالىپ جاتقاندا، ەكى مەترلىك تولقىن جايپاپ ءوتتى.

سۋناميدەن كەيىن ەل اۋماعىندا بىرنەشە مارتە جەر سىلكىنىسى بولدى. جەر سىلكىنىسىنىڭ ءبىرى 7,4 بالعا تەڭ بولعان. كۋاگەرلەردىڭ سوزىنشە، سۋناميدىڭ بيىكتىگى 2 مەترگە دەيىن جەتكەن.

پالۋدە تۇرعىن ۇيلەر مەن دۇكەندەر، قوناق ءۇي مەن ەمحانالار قيرادى. جارىق ءوشىپ، جولدار جارىلدى. كوپىرلەر سىنىپ كەتتى.

ەكى اسكەري- ترانسپورتتىق «گەركۋلەس» ۇشاعى زارداپ شەككەندەرگە العاشقى كومەك زاتتارىن اپاردى.

 بۇعان دەيىن ءبىرتالاي ادامنىڭ ءومىرىن قيعان سۋناميدىڭ ادامشوشىرلىق كادرلارىن جاريالاعان ەدىك.

ەكى اي بۇرىن يندونەزيانىڭ لومبوك ارالىندا جەر سىلكىنىسى بولىپ، 500 ادام مەرت بولعان ەدى.

سوڭعى جاڭالىقتار