الماتىلىق دارىگەرلەر 42 جاستاعى ايەلدىڭ ىشىنەن 7,5 كەلى قۇرت الىپ شىقتى - فوتو
№7-قالالىق كلينيكالىق اۋرۋحاناسىنىڭ حيرۋرگ دارىگەرى مۇسا ساحيپوۆتىڭ ايتۋىنشا، ناۋقاس الماتى وبلىسىنان كەلگەن.
«پاتسيەنتتە اۋىرسىنۋ، ءوزىن ءجايسىز سەزىنۋ سياقتى ەشقانداي بەلگى بولماعان. تەك سوڭعى جىلدارى 3-4 كەلى سالماق قوسقان. قازان ايىنىڭ باسىندا اللەرگياعا ۇشىرايدى. ءسويتىپ، ول كىسى تۇرعىلىقتى جەرى بويىنشا تەراپيەۆت دارىگەرىنە قارالادى. ۋزي جاساتادى، سول ۋاقىتتا باۋىرىندا ەحينوكوكك بار ەكەنى انىقتالادى»، - دەيدى دارىگەر.
ايەلدىڭ ىشىندەگى ۇلكەن ەحينوكوكك كيستاسىن الماتىلىق دارىگەرلەر الىپ تاستادى.
«وپەراتسيانى 26-قازان كۇنى جاسادىق. مۇنداي ەحينوكوكك وتە سيرەك كەزدەسەدى. ايەلدىڭ ءىش قۇرىلىسىن تۇگەل الىپ جاتىر. ونىڭ جارىلىپ كەتۋ قاۋپى وتە جوعارى بولدى. وپەراتسيا كەزىندە باۋىردان 500 م ل قان جوعالتتىق. ءبىر دوزا قان قۇيدىق. وپەراتسيا كۇردەلى بولعاندىقتان، توعىز ساعاتقا سوزىلدى»، - دەيدى №2-حيرۋرگيا بولىمشەسىنىڭ مەڭگەرۋشىسى مۇسا ساحيپوۆ.
ناۋقاس ەكى كۇن جانساقتاۋ بولىمىندە جاتتى، قازىر بولىمشەگە اۋىستى. ومىرىنە قاۋىپ جوق.
اۆتور: الما مۇقانوۆا
