استانا مارافونى: ادىلبەك جاقسىبەكوۆ 42,2 شاقىرىمدىق قاشىقتىقتى ەڭسەردى

استانا. قازاقپارات - ەلوردادا قايىرىمدىلىق ماقساتتاعى حالىقارالىق استانا مارافونىندا 42,2 شاقىرىمدىق قاشىقتىقتان وتكەن ق ر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ مارە سىزىعىنان ءوتتى.

«شىنىن ايتسام، 42,2 شاقىرىمدى باعىندىرۋ وڭاي ەمەس، ياعني الدىمەن جاقسى دايىندىق كەرەك. وسى رەتتە بارشاسىنا الدىن الا دايىندالۋعا كەڭەس بەرەمىن. جۇگىرۋ بارىسىندا توقتاۋعا نيەت بولدى، ءبىراق سوڭىنا دەيىن جەتۋ ماقساتىن قويدىم. اتاپ ايتقاندا، بۇگىنگى مارافون وتە جاقسى شارا رەتىندە ەستە قالادى، بەس مىڭعا جۋىق ادام جارىسقا قاتىستى. شەت ەلدەردەن كوپتەگەن ادامدار كەلگەنى بەلگىلى»، - دەدى ءا. جاقسىبەكوۆ.

بۇل تۇرعىدا ول وسىنداي شارالار جاستاردى سپورتقا باۋلۋعا، دەنساۋلىققا جاقسى باستاما ەكەندىگىنە توقتالىپ ءوتتى.

«مارافوندى ۇيىمداستىرۋشىلارعا العىسىمدى ايتامىن. باسەكە دەڭگەيى جاقسى ويلاستىرىلعان. مەملەكەت باسشىسى سپورتتىڭ دامۋىنا ەرەكشە ءمان بەرىپ وتىر. سوندىقتان وسىنداي مارافون كەرەك دەپ ەسەپتەيمىن. جالپى ءبىز ەلباسىمىزدى قولداپ، سپورتپەن اينالىسىپ، ەلىمىزدى ءسۇيىپ، سپورتتىق جانە ەڭبەك مارافونىنا بەلسەندى قاتىسۋىمىز قاجەت»، - دەدى ءا. جاقسىبەكوۆ.

ق ر پرەزيدەنتى اكىمشىلىگىنىڭ باسشىسى 42,2 شاقىرىمدىق قاشىقتىقتى 4 ساعات 22 مينۋتتا جۇگىرىپ ءوتتى.