اقمولادا جەمقورلىق جاساپ سوتتالعان 42 شەنەۋنىكتىڭ 16 سى عانا تۇرمەگە قامالعان

كوكشەتاۋ. قازاقپارات - اقمولا وبلىسىندا ءبىر جىلدا سىبايلاس جەمقورلىق قىلمىسى ءۇشىن 42 ادام سوتتالعان، دەپ حابارلايدى قازاقپارات.
None
None

اقمولا پروكۋراتۋراسى تاراتقان مالىمەتكە سەنسەك، 16 ادام باس بوستاندىعىنان ايىرىلعان، 16 سىنا ايىپپۇل سالىنسا، 10 سوتتالۋشىنىڭ باس بوستاندىعى شەكتەلگەن.

ايتا كەتەيىك، مەملەكەتتىك ورگانداردا تومەنگى بۋىننان باستاپ باسشىلىق قۇرامعا دەيىن ءارتۇرلى لاۋازىمداردى اتقاراتىن سۋبەكتىلەر جاۋاپكەرشىلىككە تارتىلادى.

ماسەلەن، بيىل كوكشەتاۋ قالالىق سوتىنىڭ وبلىستىق پوليتسيا دەپارتامەنتىنىڭ لاۋازىمدى تۇلعالارى ا. سادۋوۆ پەن س. جۇماليناعا قاتىستى سىياقى بەرۋ جانە ءىس ساپارعا جىبەرۋ تۋرالى جالعان بۇيرىقتار شىعارۋ ارقىلى بيۋجەتتىك قاراجاتتى جۇمساۋ فاكتىلەرى بويىنشا ۇكىم زاڭدى كۇشىنە ەندى.

ولار پوليتسيا پولكوۆنيگى اتاعىنان ايىرىلدى.


سوڭعى جاڭالىقتار