استاناداعى مارافون: 42 ك م باعىندىرعان جەڭىمپازعا 13 مىڭ دوللار تابىستالدى - فوتو
سايىستىڭ 42 شاقىرىمدى قۇرايتىن ەڭ ۇزاق قاشىقتىعىندا ەرلەر اراسىندا وزبەكستان ەلىنەن كەلگەن 31 جاستاعى اندرەي پەتروۆ مارە سىزىعىن ءبىرىنشى كەستى، دەپ حابارلايدى «قازاقپارات» ح ا ا ءتىلشىسى.
42 شاقىرىمدىق سايىستا ۇزدىك توعىزدىق ماراپاتتالدى. اتاپ ايتقاندا، الماتىلىق ەرجان جاراسقانوۆ (100 ا ق ش دوللارى) مارە سىزىعىن 9- بولىپ كەسسە، 8-ورىندا وسكەمەندىك ءامىر بايتۇقانوۆ (300 ا ق ش دوللارى) كەلدى. قىرعىزستاننان كەلگەن جوباردەك كوشكانبەكوۆ 7-ورىندى (600 ا ق ش دوللارى) مىسە تۇتتى. التىنشى جانە بەسىنشى ورىندى قازاقستاندىق قوس مارافونشى شوكرۋحداۆلاتوۆ (1000 ا ق ش دوللارى) پەن اندرەي لەيمەنوۆ (2000 ا ق ش دوللارى) يەلەندى. 4-ورىن كەنيادان كەلگەن تۋۆەي تيتۋس (3000 ا ق ش دوللارى) بۇيىردى.
42 شاقىرىمدىق مارافوننىڭ ەڭ ۇزاق كەزەڭىنەن 2 ساعات 18 مينۋت 38 سەكۋندتا وزبەكستاندىق مارافونشىمەن بىردەي بەلورۋسسيا ەلىنىڭ جۇيرىگى ۆلاديسلاۆ پرياموۆ تا كەلدى. ءبىراق قازىلار القاسىنىڭ شەشىمىمەن پرياموۆقا كۇمىس جۇلدە (6000 ا ق ش دوللارى) تاپسىرىلدى. ال جەڭىمپازداردىڭ ايتۋىنشا، ولار ءبىرىن-ءبىرىن قالدىرماي، باستان-اياق بىرگە كەلگەن ەكەن.
«شىنى كەرەك، ءبىر-ءبىرىمىزدى كۇتىپ كەلدىك. ءبىر-ءبىرىمىزدى قولدادىق. سوڭىمىزدان كەنيا مارافونشىسى قالماي كەلە جاتقان. ەرتىپ الايىق دەپ ەدىك قالىپ قالدى. قازىلار نە شەشسە دە كوندىك. ءوز ارامىزدا دوستىق جەڭدى!» - دەپ كۇلەدى جەڭىمپازدار.
ەكىنشى ورىن العان بەلورۋسسيالىق ۆلادسلاۆ پرياموۆ ريو وليمپياداسىنا قاتىسقان ەكەن. ال وسىعان دەيىن دە حالىقارالىق دارەجەدە اتاعى بار وزبەكستاندىق مارافونشى اندرەي پەتروۆازيا چەمپيوناتىنىڭ 2013 -جىلعى چەمپيونى (گونك-كونگ) اتانسا، وعان دەيىن دە 2012 -جىلعى ىستىق كول مارافونىندا ءبىرىنشى كەلگەن. مارافون چەمپيوندارى جاتتىعۋ كەزىندە اپتاسىنا 210، كۇنىنە 30 شاقىرىم قاشىقتىققا جۇگىرەتىنىن ايتادى.
«اۋا رايى ءسال سالقىنداۋ بولعاندا، بىرنەشە مينۋت ەرتە كەلەر ەدىك. مارافون ءۇشىن ەڭ جايلى اۋا تەمپەراتۋراسى 15-18 گرادۋس ارالىعى. مارافون بولجاپ بولمايتىنداي سپورتتىڭ ءتۇرى بولىپ تابىلادى. بۇگىنگى كۇنى اسپانعا بۇلتتىڭ ءۇيىرىلىپ، بىزگە ءسال دە بولسا كومەكتەستى. جەل كەدەرگى كەلتىرگەن جوق»، - دەيدى جەڭىمپاز اندرەي پەتروۆ.
التىن مەدالگە يە بولعان اندرەي پەتروۆقا ديپلوممەن بىرگە 13 مىڭ ا ق ش دوللارى تابىستالدى.
