الماتى وبلىسىندا كۇن 41 گرادۋسقا دەيىن ىسيدى

قونايەۆ. قازاقپارات - الماتى وبلىسىندا 41 گرادۋسقا دەيىن كۇن ىسيدى، - دەپ حابارلايدى قازاقپارات ءتىلشىسى.

«22-23 شىلدە كۇندەرى الماتى وبلىسىندا 40-41 گرادۋسقا دەيىنگى ىستىق بولادى. الماتى وبلىسى توتەنشە جاعدايلار دەپارتامەنتىنىڭ ماماندارى سىزدەردەن ۇيدەن شىقپاۋلارىڭىزدى سۇرايدى. كۇن وتكەن جاعدايدا دەرەۋ كولەڭكەگە بارىڭىز، سالقىنداڭىز، سۋ ءىشىڭىز. ەسىڭىزدە بولسىن، قاتتى ىستىق كەزىندە تابيعي ورتتەردىڭ پايدا بولۋ قاۋپى ارتادى»، - دەلىنگەن الماتى وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى تاراتقان حابارلامادا.

ۆەدومستۆو قىزمەتىنىڭ ماماندارى اۋا رايىنا بايلانىستى ەسكەرتۋلەر جانە باسقا دا شۇعىل اقپاراتتى جەدەل الۋ ءۇشىن «دارمەن» تەگىن ءموبيلدى قوسىمشاسىن جۇكتەۋگە كەڭەس بەرەدى.