09:09, 23 - اقپان 2022 | GMT +5
الماتىدا 41 جاستاعى كەلىنشەكتەن جارتى كەلى گاشيش تاركىلەندى
الماتى. قازاقپارات- الماتىلىق ايەلدەن جارتى كەلى گاشيش تاركىلەندى، دەپ حابارلايدى قازاقپارات ءتىلشىسى.
الماتى قالالىق پوليتسيا دەپارتامەنتىنىڭ مالىمەتىنشە، «اقبۇلاق» شاعىن اۋدانىندا 41 جاستاعى ايەل ۇستالدى.
«ەسىرتكى قۇرالدارىنىڭ اسا ءىرى كولەمدە ساقتالۋى تۋرالى جەدەل اقپارات كەلىپ تۇسكەن كەزدە جەدەل جانە ارنايى ءىس-شارالار كەشەنى جۇرگىزىلدى. كۇدىكتىنىڭ تۇرعىلىقتى جەرىندە رۇقسات ەتىلگەن ءتىنتۋ جۇرگىزۋ ناتيجەسىندە بىرنەشە بۋما ەسىرتكى زاتتارى تابىلدى جانە تاركىلەندى. سوت-حيميالىق ساراپتاماسى ايەلدىڭ جارتى كەلى گاشيشتى ساتپاقشى بولعانىن انىقتادى»، - دەدى الماتى قالالىق پ د ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
اتالعان دەرەك بويىنشا الاتاۋ اۋداندىق پوليتسيا باسقارماسى ق ر ق ك- نىڭ 296-بابى 4-بولىگىندە كورسەتىلگەن قىلمىس بويىنشا تەرگەۋ جۇرگىزىپ جاتىر. كۇدىكتى قاماۋعا الىندى.
