كوكشەتاۋدا كوروناۆيرۋستان كوز جۇمعان ادام قىزۋى 41 گرادۋسقا كوتەرىلگەنشە دارىگەرگە بارماعان
بۇل تۋرالى قازاقپارات ءتىلشىسى اقمولا وبلىستىق تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسپا ءسوز قىزمەتىنە سىلتەمە جاساپ.
«1952 -جىلعى ايەل وكپەسىنىڭ ەكىجاقتى قابىنۋى، ليمفوادەنوپاتيا، ەكسۋداتيۆتى پليەۆريت بەلگىلەرىمەن كوپبەيىندى وبلىستىق اۋرۋحانانىڭ ينتەنسيۆتى تەراپيا بولىمشەسىنە جەتكىزىلدى. جاعدايى اۋىر دەپ باعالاندى. ناۋقاس دەمىكپەگە شاعىمداندى جانە وكپەنى جاساندى جەلدەتۋ اپپاراتىنا قوسىلدى. جۇرگىزىلگەن پ ت ر تەكسەرۋ كوروناۆيرۋستىق ينفەكسيانى انىقتادى. باقىلاۋدىڭ بارلىق كەزەڭىندە ناۋقاستا تەرىس ديناميكا بايقالدى. دارىگەرلەر جۇرگىزگەن رەانيماتسيالىق شارالار ناتيجە بەرمەدى. 14-ماۋسىمدا ناۋقاس كوز جۇمدى. جەدەل جاردەم بريگادا جەكە قورعانۋ قۇرالدارىمەن جۇمىس ىستەدى»، - دەيدى ۆەدومستۆودان.
سونىمەن قاتار، Covid-19 كوروناۆيرۋس ينفەكسياسىنىڭ اۋىر اعىمى، وكپەسىنىڭ ەكىجاقتى قابىنۋى ءجىتى رەسپيراتورلىق ديسترەسس-سيندرومنىڭ اسقىنۋى دياگنوزىمەن وبلىس ورتالىعىنىڭ تۇرعىنى 1977 -جىلعى ەر ادام كوز جۇمدى.
«مەديتسينالىق كومەككە ۋاقىتىلى جۇگىنگەن كەزىندە، قايعىلى جاعداي بولماس ەدى. ەر ادام 4 كۇن ءوزىن-ءوزى ەمدەگەن. دەنە قىزۋى 41,3 گرادۋسقا كوتەرىلگەن كەزدە دارىگەرلەر قىزمەتىنە جۇگىنگەن، ءبىراق ول ناتيجە بەرمەدى. ۋىت تانۋ سيندرومى مەن تىنىس الۋ جەتكىلىكسىزدىگىنىڭ اياسىندا ناۋقاستىڭ جاعدايى ناشارلاپ، ول دا 14-ماۋسىمدا كوز جۇمدى»، - دەپ تولىقتىردى ۆەدومستۆودان.
اۆتور: اسلان وسپانوۆ
