ق ر تۇڭعىش پرەزيدەنتى كۇنى قارساڭىندا جامبىل وبلىسىندا 41 نىسان اشىلدى
ەلباسى جولداۋىندا مەديتسينالىق قىزمەت ساپاسى حالىقتىڭ الەۋمەتتىك كوڭىل-كۇيىنىڭ اسا ماڭىزدى كومپونەنتى بولىپ سانالاتىنىن باسا ايتتى دەسەك، وبلىستا مەرەكە قارساڭىندا اشىلعان 41 نىساننىڭ 32 ءسى مەديتسينالىق مەكەمەلەر. ونىڭ 29 ى مەملەكەتتىك-جەكەشەلىك ارىپتەستىك اياسىندا بوي كوتەرگەن. ناقتىلاي توقتالساق، 13 ءى اۋىسىمىنا 5 كەلۋشىگە ارنالعان مەديتسينالىق پۋنكتتەر. 9 ى 15 كەلۋشىگە ارنالعان دارىگەرلىك امبۋلاتوريا، قالعانى اۋىسىمىنا 10 كەلۋشىگە ارنالعان 7 فەلدشەرلىك-اكۋشەرلىك پۋنكت. بۇلاردىڭ دەنى اۋدانداردان اشىلعان.
ايتا كەتۋ كەرەك، مەملەكەتتىك-جەكەشەلىك ارىپتەستىك اياسىندا بوي كوتەرگەن 29 مەديتسينالىق نىسانعا بارلىعى 843 ميلليون تەڭگە قارجى جۇمسالعان. اتالعان نىسانداردىڭ قۇرىلىسى وزگە وڭىرلەردەگى بيۋدجەتتىك ينۆەستيتسيالىق جوبالارمەن سالىستىرعاندا قۇنى تومەن بولىپ، 1,4 ميلليارد تەڭگە بيۋجەت قاراجاتى ۇنەمدەلدى.
بۇل ارقىلى اۋىلدىق جەرلەردەگى العاشقى مەديتسينالىق كومەك كورسەتۋ قاجەتتىلىگى 84 پايىزعا قامتىلادى. وبلىستا 95 العاشقى مەديتسينالىق كومەك كورسەتۋ ۇيىمدارىنا عيمارات قاجەت بولاتىن. بۇنى مەملەكەتتىك- جەكەشەلىك ارىپتەستىك اياسىندا سالۋ جوسپارلانۋدا. ونىڭ 29 ى بيىل اشىلسا، 2019-جىلى 40، 2020-جىلى 25 نىسان بوي كوتەرەدى دەپ جوسپارلانۋدا. وسىلايشا الداعى ەكى جىلدا تولىق قاجەتتىلىك قامتاماسىز ەتىلمەك.
ق ر تۇڭعىش پرەزيدەنت كۇنىنە وراي جامبىل وبلىسىندا حالىقتىڭ مەديتسينالىق مەكەمەلەرگە دەگەن قولجەتىمدىلىگىن ارتتىرۋعا ارنالعان بۇل نىسانداردان بولەك، جۇرتشىلىقتىڭ الەۋمەتتىك تۇرمىس ساپاسىن ارتتىرۋعا نەگىزدەلگەن مەكەمەلەر دە ەل يگىلىگىنە بەرىلدى.
اتاپ ايتار بولساق، تاراز قالاسىندا پوليتسيا باسقارماسى 1№ پوليتسيا ءبولىمىنىڭ قابىلداۋ بولمەسى، جامبىل اۋدانىندا «ءمولدىر»، جۋالى اۋدانىندا «اسەم دوستار» جەكەمەنشىك بالاباقشالارى، قورداي اۋدانىندا 75 ورىندىق «بالالىق شۋاعى»، 50 ورىندىق «نۇر-ءادىل»، 50 ورىندىق «بالالىق بازارى» بالاباقشالارى جانە 120 ورىندىق «بولاشاق» شاعىن ورتالىعى، ت. رىسقۇلوۆ اۋدانىندا 120 ورىندىق «بوتا» بوبەكجايى، اۋقاتتى اۋىلدىق پوليتسيا بولىمشەلەرى اشىلدى.
مەرەكە قارساڭىندا پايدالانۋعا بەرىلگەن بارلىق 41 نىسان الداعى ۋاقىتتا ەلباسى جولداۋىنداعى نەگىزگى مىندەتتەردىڭ ورىندالۋى جولىندا ەل يگىلىگىنە جۇمىس جاساي بەرمەك.
سونداي-اق، مەرەكە قارساڭىندا تاراز قالاسىندا مەديتسيتسينالىق جەدەل جاردەم ستانساسىنا 27 اۆتوكولىكتىڭ كىلتى تاپسىرىلدى.