ساۋالناما: بريتانيانىڭ ەۋروپالىق وداقتان شىعۋىن جاقتايتىندار قاتارى 41 پايىزعا دەيىن ءوستى

استانا. قازاقپارات - ۇلى بريتانيانىڭ ەۋروپالىق وداققا مۇشەلىگى تۋرالى رەفەرەندۋم قارساڭىندا Opinium كومپانياسى الەۋمەتتىك ساۋالداما وتكىزدى، وعان سايكەس سۇراۋ سالىنعان بريتاندىقتاردىڭ %43 ى ە و قۇرامىندا قالۋدى جاقتادى، دەپ حابارلادى Gazeta.ru Reuters اگەنتتىگىنە سىلتەمە جاساپ.

دەگەنمەن رەسپوندەنتتەردىڭ 41 پايىزى بريتانيانىڭ ەۋرووداقتان شىعۋىن جاقتادى، سۇراۋ سالىنعانداردىڭ 16 پايىزى جاۋاپ قايتارۋعا قينالدى.

ساۋالداما 31 -مامىردان 3 -ماۋسىمعا دەيىنگى ارالىقتا وتكىزىلگەن، وعان 2 مىڭ ادام قاتىسمقان.

بۇدان بۇرىن، ORB الەۋمەتتىك قىزمەتى وتكىزگەن زەرتتەۋلەر ناتيجەسىندە ەۋرووداق قۇرامىنان ۇلىبريتانيانىڭ شىعۋىن جاقتايتىندار بلوكقا مۇشەلىكتى جالعاستىرۋعا نيەتتى وپپونەنتتەردەن ارتتا قالۋشىلىقتى اپتا ىشىندە ەداۋىر قىسقارتقانى حابارلانعان بولاتىن.