ريو وليمپياداسىندا 41 جاستاعى «اجە» وزبەكستان نامىسىن قورعايتىن بولدى

استانا. قازاقپارات - سپورتتىق گيمناستيكادان وليمپيادا چەمپيونى وكسانا چۋسوۆيتينا ريو-دە-جانەيروداعى جازعى ويىندارعا وزبەكستان اتىنان قاتىسپاق.

وسىلايشا 25 جىلدان بەرى سپورتتا جۇرگەن چۋسوۆيتينا جەتىنشى وليمپياداسىنا بارادى. 2016-جىلى وكسانا 41 گە تولادى. ول وليمپيادا ويىندارىنىڭ تاريحىنداعى ەڭ جاسى ۇلكەن گيمناستشى اتانادى.

ونى ارىپتەستەرى قالجىڭداپ «اجە» دەپ اتايدى. سپورتشىنىڭ ءوزى مۇنداي قالجىڭدى كوتەرەتىنىن، ءبىراق «باسەكەدە 17 مەن 40 جاستاعىنىڭ ءباسى بىردەي» ەكەنىن دە ەسكەرتەدى.

وكسانا وزبەكستاندا تۋىپ-وسكەن. بىرنەشە جىل بويى گەرمانيا قۇراماسىنىڭ ساپىندا ونەر كورسەتتى. ەندى ريو-دە-جانەيرودا وزبەكستاننىڭ نامىسىن قورعايدى.

Stan.kz