رەسەيدە زاۋىتتا جارىلىس بولىپ، 40 قا جۋىق ادام زارداپ شەكتى
«زاگورسك وپتيكو- مەحانيكالىق زاۋىت اۋماعىنداعى» پيروروسس«كاسىپورنىندا بولعان جارىلىستان زارداپ شەككەن 5 ادام جانساقتاۋ بولىمىندە جاتىر. جاعدايلارى - اۋىر» ، دەلىنگەن ماسكەۋ وبلىسى سەرگيەۆ پوساد قالالىق وكرۋگى اكىمشىلىگىنىڭ رەسمي Telegram-ارناسىندا.
قازىرگى ۋاقىتتا 38 ادامنىڭ زارداپ شەككەنى حابارلانىپ وتىر.
«جەدەل جەلىگە حابارلاسىپ جاتقان ادامدار تىم كوپ. اۋرۋحانا وكىلدەرى جاعدايعا تۇسىنىستىكپەن قاراۋدى سۇرايدى. دارىگەرلەر قولىنان كەلگەنىن ىستەپ جاتىر»، - دەپ تولىقتىردى اكىمشىلىك وكىلدەرى.
«زاگورسك وپتيكو- مەحانيكالىق زاۋىتىنداعى جارىلىسقا كەلەر بولساق، مالىمەتتەردىڭ ءبارى - الدىن الا بولجام. قازىر ءوندىرىس ورنىندا جەدەل قىزمەتتەر جۇمىس ىستەپ جاتىر. دەتوناتسيا پيروتەحنيكا زاتتارى ساقتالاتىن قويمادا شىققان. ول جەردى قالاداعى تانىمال كومپانيالاردىڭ ءبىرى جالعا العان. جارىلىس سەبەبى - تەحنولوگيا پروتسەستەرىنىڭ ساقتالماۋى»، - دەدى مەملەكەتتىك دۋمانىڭ قۇرىلىس جانە ت ك ش كوميتەتىنىڭ ءتوراعاسى سەرگەي پاحوموۆ.
