قازاقستانداعى جايىلىمدىق جەرلەردىڭ 40 پايىزى وتە ناشار كۇيدە

استانا. قازاقپارات - ەلىمىزدەگى اۋىل شارۋاشىلىعى ماقساتىندا پايدالانىلاتىن جايىلىمدىق جەرلەردىڭ 40 پايىزى ناشار كۇيدە.
None

مۇنداي دەرەكتەر عارىشتىق مونيتورينگ ناتيجەسىندە بەلگىلى بولدى، دەپ حابارلايدى قازاقپارات ءتىلشىسى.

«بىلتىر كوكتەمدە قازاقستاننىڭ 60 اۋدانى بويىنشا جايىلىمدىق القاپتاردىڭ %26,2 ى وتە ناشار جانە %33,4 ى ناشار جاعدايدا ەكەنى انىقتالدى»، - دەدى اەروعارىش كوميتەتىنىڭ ءتوراعاسى باۋبەك ورالماعامبەتوۆ ورتالىق كوممۋنيكاتسيالار قىزمەتىندە وتكەن بريفينگىدە.

ال بيىل كوكتەم مەزگىلىندە جۇرگىزىلگەن مونيتورينگ قورىتىندىسى نەگىزىندە جايىلىمدىق جەرلەردىڭ جاي-كۇيى مىناداي:

- %40 جايىلىمدىق جەردىڭ جاعدايى وتە ناشار؛

- 4 ملن گەكتار جايىلىم جەر قاتتى دارەجەدە دەگراداتسيالانعان؛

- وسىمدىكتەردىڭ ورتاشا ونىمدىلىگى گەكتارىنا 4,6 سەنتنەر.

سونىمەن قاتار سپيكەر بىلتىر قازاقستان بويىنشا 5683 رۇقسات ەتىلمەگەن قوقىس وبەكتىلەرى انىقتالعانىن ايتتى.

بۇعان قوسا، باۋبەك ورالماعامبەتوۆ مال جايۋعا بەرىلگەن 12 ميلليون گەكتار جەردە ءتورت تۇلىك جوق ەكەنىن ءمالىم ەتتى.


سوڭعى جاڭالىقتار