قاراعاندى وبلىسىندا ۆيرۋستى ينفەكسيا جۇقتىرعاندار سانى 40 مىڭنان استى

قاراعاندى. قازاقپارات - قاراعاندى وبلىسىنىڭ مەديتسينا ۇيىمدارىنا كۇن سايىن ءجىتى رەسپيراتورلىق ۆيرۋستىق ينفەكسياسى (ج ر ۆ ي) بار تۇرعىنداردان 300-گە دەيىن ءوتىنىش كەلىپ تۇسەدى. ولاردىڭ شامامەن % 60- ى بالالار، دەپ حابارلايدى قازاقپارات ءتىلشىسى.

قاراعاندى وبلىسىنىڭ باس شتاتتان تىس ەپيدەميولوگى اسلان تەمىروۆ وڭىردەگى اعىمداعى ەپيدەميولوگيا جانە تۇماۋ مەن ج ر ۆ ي- ءدىڭ الدىن الۋ شارالارى تۋرالى وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگتە ايتىپ بەردى.

«اعىمداعى ەپيدەميولوگيالىق ماۋسىمنىڭ باسىنان بەرى وبلىستا ءجىتى رەسپيراتورلىق ۆيرۋستىق ينفەكسيالاردىڭ 43645 جاعدايى تىركەلدى. وبلىستا سىرقاتتانۋشىلىق وتكەن جىلدىڭ ۇقساس كەزەڭىنىڭ دەڭگەيىندە قالىپ وتىر. تۇماۋدىڭ زەرتحانالىق راستالعان 46 جاعدايى تىركەلدى، ونىڭ ىشىندە 14-15 جاسقا دەيىنگى بالالار اراسىندا. % 4 ءوسۋ ءۇردىسى بايقالادى»، - دەدى اسلان تەمىروۆ.

دۇنيەجۇزىلىك دەنساۋلىق ساقتاۋ ۇيىمىنىڭ بولجامىنا سايكەس، بيىل تۇماۋ ۆيرۋسىنىڭ ءۇش شتاممى وزەكتى بولادى - H1N1, H3N2 جانە в توبى.

قاراعاندى وبلىسىندا رەسەيدە وندىرىلەتىن «گريپپول پليۋس» پرەپاراتىنىڭ 210 مىڭ دوزاسى ساتىپ الىندى. بۇل ءوڭىر حالقىنىڭ جالپى سانىنىڭ % 15- ىن ۆاكسينامەن قامتۋعا مۇمكىندىك بەرەدى. د د ۇ ۇسىنىسىنا ساي حالىقتىڭ كەمىندە % 10 قامتىلۋى ءتيىس.

ءبىرىنشى كەزەكتە حالىقتىڭ وسال توپتارى - مەديتسينا قىزمەتكەرلەرى، بالالار جانە ت. ب. ۆاكتسينالاۋعا جاتادى. قازان ايىنىڭ باسىنان باستاپ وبلىستا 139 مىڭنان استام ادام ەگىلدى. ۆاكسيناتسيادان كەيىنگى اسقىنۋلار تىركەلگەن جوق.

كوروناۆيرۋس ينفەكسياسىنا كەلەتىن بولساق، بۇگىندە ايماقتا اۋرۋدىڭ جەكەلەگەن جاعدايلارى تىركەلگەن. اۋىر ناۋقاستار جوق.

اۆتور

اگاتا مۋحامەدجانوۆا