قازاقستاننىڭ شيكىزاتتىق ەمەس ءونىم ەكسپورتى شامامەن 40 پايىزعا ءوستى

بۇل تۋرالى مەملەكەت باسشىسى قاسىم- جومارت توقايەۆ ەلدە تىركەلگەن شەتەلدىك ديپلوماتيالىق ميسسيالاردىڭ باسشىلارىمەن ءداستۇرلى كەزدەسۋىندە ايتتى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىسى قازاقستاننىڭ قابىلداعان جاڭا ەكونوميكالىق باعىتى شىنايى ەركىن نارىقتىق ەكونوميكا قۇرۋعا باعىتتالعانىن ەرەكشە اتاپ ءوتتى.

«ەكونوميكانى مونوپوليادان ارىلتۋ - ءبىزدىڭ ۇلتتىق باسىمدىعىمىز. ءبىز دۇرىس جولدامىز. جەتەكشى حالىقارالىق قارجى اگەنتتىكتەرى قازاقستاننىڭ ەكونوميكالىق ءوسىمدى ىنتالاندىرۋ جونىندەگى كۇش- جىگەرىن وڭ باعالادى جانە قازاقستاننىڭ ەگەمەن رەيتينگىن «تۇراقتى» بولجاممەن راستادى. ءبىز اشىق ەكونوميكا قاعيداتىن ۇستانامىز. الەمنىڭ 180 ەلىمەن ساۋدا قاتىناستارىن جۇرگىزەمىز. بۇكىل الەمدەگى ەكونوميكالىق كۇيزەلىستەرگە قاراماستان، ءبىزدىڭ شيكىزاتتىق ەمەس ءونىم ەكسپورتى شامامەن 40 پايىزعا ءوستى. ءبىز ينۆەستيتسيا تارتۋ بويىنشا ورتالىق ازياداعى كوشباسشىلىق پوزيتسيامىزدى ودان ءارى نىعايتۋعا نيەتتىمىز»، - دەدى پرەزيدەنت.

رەداكتور

گۇلنۇر عازيز قىزى