وڭىرلەردە ساۋدا ۇستەمەسىن تومەندەتۋ تۋرالى 40 مەموراندۋمعا قول قويىلدى
ەستەرىڭىزگە سالا كەتەيىك، قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى سەرىك جۇمانعارين ازىق- تۇلىك قاۋىپسىزدىگىن قامتاماسىز ەتۋ جانە الەۋمەتتىك ماڭىزى بار ازىق- تۇلىك تاۋارلارىنىڭ باعاسىن ۇستاپ تۇرۋ اياسىندا سەلەكتورلىق كەڭەس وتكىزدى، وندا الەۋمەتتىك ماڭىزى بار ونىمدەرگە % 10 دان اسپايتىن ساۋدا ۇستەمەسىن ساقتاۋ تۋرالى مەموراندۋمدار جاساسۋ قاجەتتىلىگى تۋرالى ماسەلە قارالدى.
قازىردىڭ وزىندە شىمكەنت، الماتى قالالارىندا، قوستاناي، اقتوبە، اتىراۋ، شىعىس قازاقستان، باتىس قازاقستان، اباي وبلىستارىندا «ماگنۋم»، «سمول»، «انۆار»، «استىقجان» جانە ت. ب. ءىرى ساۋدا جەلىلەرىمەن 40 مەموراندۋم جاسالعان. بۇل شارا قازاقستاننىڭ ءىرى ساۋدا جەلىلەرىندە الەۋمەتتىك ماڭىزى بار ازىق- تۇلىك ونىمدەرىنىڭ باعاسىن تومەندەتۋگە مۇمكىندىك بەرەدى.
« ءبىز ساۋدا جەلىلەرىنىڭ رەەسترىن جاساعان بولاتىنبىز، بۇگىنگى تاڭدا ەلىمىزدە ولاردىڭ سانى 109 عا جەتىپ وتىر جانە ولاردىڭ 1458 فيليالى بار. ءبىز ءاربىر فيليالدى بىلەمىز، اكىمدىكتەر مەموراندۋمدارعا قول قويۋ جۇمىستارىن جۇرگىزۋدە. ماسەلەن، بۇگىندە 40 مەموراندۋمعا قول قويىلدى، قالعاندارى كەلىسۋ ساتىسىندا»، - دەدى سيم ساۋدا كوميتەتىنىڭ ءتوراعاسى ەرجان قازانبايەۆ.
سونىمەن قاتار، ساۋدا كوميتەتى نەگىزگى ازىق- تۇلىك تاۋارلارى باعاسىنىڭ ءوسۋ ديناميكاسىنىڭ دەرەكتەرىن تالداۋدىڭ دۇرىستىعىن ارتتىرۋ ءۇشىن قوعامدىق باقىلاۋدى ەنگىزگەنىن اتاپ وتكەن ءجون: تۇرعىنداردىڭ ءامات تىزبەسىنە كىرەتىن ونىمدەرگە جوعارى باعاعا وتىنىشتەرىن قابىلداۋ ءۇشىن call-ورتالىق قۇرىلدى. شاعىمدار Facebook, Sauda_komiteti جانە sauda_inform Instagram الەۋمەتتىك جەلىلەرىندەگى سيم اككاۋنتتارى ارقىلى دا قابىلدانادى.
