قازاقستاندىق 40 كۋرسانت تۇركيا مەن رەسەيدىڭ اسكەري ج و و- لارىنىڭ ستۋدەنتى اتاندى
قازاقپارات بۇل تۋرالى ۇلتتىق ۇلاننىڭ باسپا ءسوز قىزمەتىنە سىلتەمە جاساپ حابارلايدى.
«جىل سايىن ۇلتتىق ۇلان اكادەمياسىنىڭ ءبىرىنشى كۋرسىنا كۋرسانتتاردى قابىلداۋمەن قاتار، حالىقارالىق شارتتار مەن كەلىسىمدەرگە سايكەس شەت مەملەكەتتەردەگى اسكەري وقۋ ورىندارىندا ءبىلىم الۋعا قابىلداۋ جۇرگىزىلەدى. اسكەري انت - بۇل قازاقستان رەسپۋبليكاسى پرەزيدەنتى بەكىتكەن ءنورماتيۆتى- قۇقىقتىق قۇجات، سالتاناتتى تۇردە انت بەرۋ جانە بۇلجىماس اسكەري ريتۋال»، - دەدى ۇلتتىق ۇلاننان.
«ءبىرىڭ 4 جىل، ءبىرىڭ 5 جىل ءوز وتانىڭنان الشاقتا ءبىلىم الاسىڭدار. وسى جىلدار بويى ەلىمىزدە وقيتىن كۋرسانتتارعا قاراعاندا سەندەرگە قيىنداۋ بولادى. تۋىس- تۋعان، جورا- جولداس پەن قىمبات جاندارمەن ايىرىلىسۋ جەڭىل جۇك ەمەس. ۋاقىت پەن ارا- قاشىقتىق ومىرلەرىڭدە كىمنىڭ- كىم ەكەنىن جانە وزدەرىڭ بۇل سىننان قالاي وتەتىندەرىڭدى كورسەتىپ بەرەدى. سەندەرگە ءوز وتاندارىڭدى ەلدەن تىسقارى جەردە تانىتۋعا ابىرويلى مىندەت جۇكتەلدى. بىلىمدەرىڭ مەن تارتىپتەرىڭ ارقىلى وزگە ەلدەر وكىلدەرىندە وتانىمىز بەن حالقىمىز تۋرالى تۇسىنىك قالىپتاسادى»، - دەدى ۇلتتىق ۇلان اكادەمياسى باستىعىنىڭ تاربيە جانە الەۋمەتتىك- قۇقىقتىق جۇمىس جونىندەگى ورىنباسارى نۇرباي بەكتۇرسىنوۆ.