تەرى بۇيىمدارىنىڭ يمپورتىنان تۇسەتىن سالىق 40 پايىزعا ءوستى

نۇر-سۇلتان. قازاقپارات - جارتىجىلدىقتى قورىتىندىلاعان ساۋدا جانە ينتەگراتسيا مينيسترلىگىنىڭ تەحنيكالىق رەتتەۋ جانە مەترولوگيا كوميتەتى ەلىمىزدە ءتورت تاۋار تۇرىنە مىندەتتى تاڭبالاۋ ەنگىزىلگەنىن ءمالىم ەتتى، دەپ حابارلايدى قازاقپارات ءتىلشىسى.

«ەلدە ءتورت تاۋار توبى بويىنشا مىندەتتى تاڭبالاۋ ەنگىزىلدى. ەندى تەرى، تەمەكى بۇيىمدارى، اياق كيىم جانە ءدارى-دارمەكتەر تاڭبالانادى. تەرى بۇيىمدارىن تاڭبالاۋ ناتيجەسىندە يمپورتتان تۇسەتىن كەدەندىك باج جانە سالىق كولەمى 40 پايىزعا ءوستى. اتاپ ايتقاندا، 372,3 ميلليوننان 516,2 ميلليون تەڭگەگە دەيىن. ال، وسى قىزمەت بويىنشا ىشكى سالىق تۇسىمدەرى 430,8 ميلليون تەڭگەدەن 648,6 ميلليونعا دەيىن ارتتى»، - دەپ حابارلادى كوميتەتتىڭ باسپا ءسوز قىزمەتىنەن.

بۇعان قوسا، ساۋدا مينيسترلىگىنە قاراستى ورگان كولىكتەرگە SOS باتىرماسىن ورناتۋ مىندەتتەلمەيتىنىن حابارلادى.