ەلىمىزدە جەر قويناۋىن پايدالانۋ قۇقىعىن بەرۋگە 40 اۋكسيون جاريالاندى

«بۇگىنگى تاڭدا كومىرسۋتەك بويىنشا جەر قويناۋىن پايدالانۋعا ارنالعان 281 كەلىسىمشارت جاسالدى. ونىڭ ىشىندە بارلاۋ بويىنشا 40 كەلىسىمشارت، بارلاۋ مەن ءوندىرۋ – 135، تەك ءوندىرۋ - 96 جانە ءونىمدى ءبولۋ تۋرالى 10 كەلىسىمشارت بار. 2020 - 2021 -جىلدارى جەر قويناۋىن پايدالانۋ بويىنشا گەولوگيالىق بارلاۋعا شامامەن 174,0 ميلليارد تەڭگە ينۆەستيتسيا قۇيىلدى. جەكەلەپ ايتقاندا 2020 -جىلى - 95,0 ميلليارد تەڭگە، ال 2021 -جىلى - 79 ميلليارد تەڭگەنى قۇرايدى»، - دەدى اسحات حاسەنوۆ ق ر پارلامەنتى ماجىلىسىندە وتكەن گەولوگيا سالاسىن دامىتۋ تاقىرىبىنا ارنالعان دوڭگەلەك ۇستەل بارىسىندا.

ۆيتسە- ءمينيستردىڭ ايتۋىنشا، گەولوگيالىق بارلاۋعا ينۆەستيتسيا تارتۋ ءۇشىن جەر قويناۋىن پايدالانۋ قۇقىعىن بەرۋگە ارنالعان اۋكتسيون ءوتىپ تۇرادى.

«اۋكسيون تولىق اۆتوماتتاندىرىلعان جانە ەلەكتروندىق الاڭ ارقىلى الەۋەتتى ينۆەستورلاردىڭ قاتىسۋىمەن وتەدى. بيىل 21-ساۋىردە ءبىزدىڭ مينيسترلىك كومىرسۋتەكتەر بويىنشا جەر قويناۋىن پايدالانۋ قۇقىعىن بەرۋگە كەزەكتى 40 اۋكسيون جاريالادى. بارلىق ۇسىنىلعان جەر قويناۋى ۋچاسكەلەرى بويىنشا جيىنتىق سوما 2,9 ميلليارد تەڭگەنى قۇراپ وتىر»، - دەيدى ول.

ودان بولەك، مينيستر ورىنباسارى بيىل 22-شىلدەدە تاعى اۋكسيون وتەتىنىن ايتتى.