ۋكراينا ەكونوميكاسى 40 پروتسەنت قۇلدىرادى

نۇر- سۇلتان. قازاقپارات - قارۋلى قاقتىعىس سالدارىنان ۋكراينا ەكونوميكاسى قۇلدىراپ بارادى، دەپ حابارلايدى «حابار 24».

بيىل بۇل ەلدىڭ جالپى ىشكى ءونىمى 40 پروتسەنتكە ازايۋى مۇمكىن. جۋىردا ۋكراينانىڭ ەكونوميكا مينيسترلىگى وسىنداي بولجام جاسادى. اعىمداعى جىلدىڭ العاشقى توقسانىندا عانا جالپى ىشكى ءونىم 16 پروتسەنتكە قىسقارادى ەكەن.

ەڭ كوپ اۋە سالاسى، تەڭىز تاسىمالى مەن قىزمەت كورسەتۋ سالالارى زارداپ شەگىپ جاتقانى ايتىلدى. سونىمەن قاتار اۋىل شارۋاشىلىعى سالاسى دا ايتارلىقتاي شىعىنعا ۇشىراپ جاتىر. سەبەبى ۋكراينا الەم بويىنشا بيداي مەن جۇگەرىنى ەڭ كوپ ەكسپورتتايتىن ەلدەر قاتارىندا.

ەۋروپالىق قايتا قۇرۋ بانكىنىڭ حابارلاۋىنشا، اسكەري ءىس- قيمىل كەسىرىنەن ەلدەگى كاسىپورىنداردىڭ ۇشتەن ءبىرى جۇمىسىن توقتاتقان. ەل بيلىگىنىڭ ەسەبىنشە، بۇگىنگە دەيىن كەلتىرىلگەن شىعىن 1 تريلليون دوللاردان اسادى. سونىڭ سالدارىنان قازىر ۋكراينا حالقى ابدەن قينالىپ جاتىر. جۇرت باس ساۋعالاپ، قاۋىپسىز جەرگە ۇدەرە كوشۋدە.

www.24.kz