قازاقستاندىق 40 وقۋشى ازيا- تىنىق مۇحيتى ماتەماتيكالىق وليمپياداسىنىڭ جەڭىمپازى اتاندى

None
None
نۇر- سۇلتان. قازاقپارات - قازاقستاندىق 40 وقۋشى حالىقارالىق ازيا- تىنىق مۇحيتى ماتەماتيكالىق وليمپياداسىندا جۇلدەلى ورىندارعا يە بولدى.

ەلىمىزدىڭ ۇلتتىق قۇراماسىنىڭ قورجىنىندا 5 التىن، 13 كۇمىس جانە 22 قولا مەدال بار، دەپ حابارلايدى قازاقپارات ق ر ب ع م باسپاءسوز قىزمەتىنە سىلتەمە جاساپ.

نۇر- سۇلتان، الماتى، قوستاناي جانە قاراعاندى قالالارىنىڭ وقۋشىلارى التىن مەدال جەڭىپ الدى. سونىمەن قاتار وليمپيادادا اقتاۋ، اتىراۋ، قىزىلوردا جانە پاۆلودار مەكتەپتەرىنىڭ وقۋشىلارى دا ۇزدىكتەردىڭ قاتارىنان كورىندى. وليمپيادا جەڭىمپازدارى حالىقارالىق IMO وليمپياداسىنا قاتىسۋ ءۇشىن قازاقستان قۇراماسىنا كىرۋ مۇمكىندىگىنە يە بولادى.

زياتكەرلىك سايىسقا الەمنىڭ 38 ەلىنەن جۇزدەگەن مەكتەپ وقۋشىسى قاتىستى. ولاردىڭ قاتارىندا جاپونيا، اۋستراليا، كانادا، سينگاپۋر، ا ق ش، ارگەنتينا، گونكونگ، يندونەزيا، مالايزيا، مەكسيكا، كاتار، كورەيا، تۇركيا جانە ت. ب. ەلدەر بار.

«بيىل حالىقارالىق وليمپيادا وفلاين فورماتتا ءوتتى. قازاقستان اتىنان ەلىمىزدىڭ تۇكپىر- تۇكپىرىنەن 131 وقۋشى قاتىستى. بيىل ءبىزدىڭ وقۋشىلار ۇزدىك ناتيجە كورسەتكەنىن ايتا كەتكەن ءجون. مىسالى، بىلتىر قازاقستاندىق وقۋشىلار 3 التىن السا، بيىل ولاردىڭ سانى 5-كە جەتتى. ازيا- تىنىق مۇحيتى ەلدەرىنىڭ ماتەماتيكالىق وليمپياداسىنداعى جەڭىسى وقۋشىلارىمىزعا ۇلتتىق قۇراما قاتارىنا قوسىلىپ، IMO- دا رەسپۋبليكا نامىسىن قورعاۋعا مۇمكىندىك بەرەدى.

بالالار قازاقستاندى حالىقارالىق ارەنادا لايىقتى تانىتا الۋى ءۇشىن ءبىز ەل ىشىندە ءتۇرلى دەڭگەيدە وليمپيادالار وتكىزەمىز. وليمپيادادا جەڭىستەر ءادىل جانە ادال بولۋى ءۇشىن ونى ەلەكتروندى فورماتقا اۋىستىردىق، ودان بولەك كامەرالار ساتىپ الدىق. بىلتىر وقۋشىلارىمىز ءىرى حالىقارالىق وليمپيادالاردا رەكوردتىق كورسەتكىشكە قول جەتكىزىپ، ەل قورجىنىنا 26 مەدال اكەلدى»، - دەپ اتاپ ءوتتى «دارىن» رەسپۋبليكالىق عىلىمي- پراكتيكالىق ورتالىعىنىڭ ديرەكتورى تيمۋر نۇركەشوۆ.

ايتا كەتەيىك، حالىقارالىق ازيا- تىنىق مۇحيتى ماتەماتيكالىق وليمپياداسى جارىسقا قاتىسۋشىلار ەلىنىڭ اۋماعىندا وفلاين فورماتتا ءوتتى. سونداي- اق وقۋشىلار حالىقارالىق وليمپيادانى ۇيىمداستىرۋ كوميتەتىنەن ءبىر ۋاقىتتا تاپسىرمالار الدى.

سوڭعى جاڭالىقتار