07:47, 03 - ناۋرىز 2022 | GMT +6
الماتى وبلىسىندا 40 تان استام ەلدى مەكەندى سۋ باسۋ قاۋپى بار
تالدىقورعان. قازاقپارات - الماتى وبلىسىندا 40 تان استام ەلدى مەكەندى سۋ باسۋ قاۋپى بار، دەپ حابارلايدى قازاقپارات ءتىلشىسى.
الماتى وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، ءوڭىردىڭ تاۋلى ايماقتارىندا جاۋعان قار قالىڭدىعى 55 سانتيمەترگە جەتكەن. ال ەڭىستە 5-10 سانتيمەتر عانا. الداعى تاۋلىكتەردە اۋا رايى كۇرت جىلىپ، قار ارالاس جاڭبىر جاۋادى دەپ كۇتىلۋدە.
«بۇل ءوز كەزەگىندە اۋىلداردا ەرىگەن قار مەن جاۋعان جاڭبىر سۋىنىڭ جينالۋىنا سەبەپشى بولۋى مۇمكىن»، - دەيدى ماماندار.
سونداي- اق جاۋىن- شاشىن سالدارىنان وزەندەر دەڭگەيى كوتەرىلىپ، تاۋلى ايماقتا جىلىم ءجۇرۋى ىقتيمال. توتەنشە جاعداي قىزمەتىنىڭ وكىلدەرى تۇرعىندارعا ارىقتاردى تازالاپ، سۋاعارلارىن رەتكە كەلتىرۋگە كەڭەس بەرەدى. وبلىس اۋماعىندا «كوكتەم-2022» وقۋ جاتتىعۋلارى باستالدى.