قاڭتارداعى تارتىپسىزدىكتەر: وفيتسەردىڭ قازاسىنان كەيىن 40 كۇن وتكەندە ءسابيى دۇنيەگە كەلدى
27 جاستاعى مارقۇمنىڭ ارتىندا كۇنى كەشە دۇنيەگە كەلگەن قىزى مەن 8 اي بۇرىن وتاسقان جارى قالعان، - دەپ حابارلايدى Almaty.tv.
تەلەارنا مالىمەتىنشە، ۇلتتىق قاۋىپسىزدىك كوميتەتى شەكارا قىزمەتىنىڭ اعا وفيتسەرى جاندوس جاعالبايەۆ 6-قاڭتاردا وققا ۇشىپ، مەرت بولعان. اناسى سوڭعى رەت ۇلىمەن تەلەفون ارقىلى تىلدەسكەن ەكەن. كەيىن، 7-قاڭتاردا ۇلىنىڭ مەرت بولعانى تۋرالى سۋىق حابار ەستىگەن.
27 جاسىندا مەرت بولعان جاندوس تۇڭعىشىنىڭ دۇنيەگە كەلۋىن اسىعا كۇتكەن ەكەن. جەكەمەنشىك پاتەر الىپ، قىزىنىڭ ءوز ۇيىندە وسكەنىن ارمانداعان. الايدا سول ماقساتىنا جەتە الماي كەتتى، دەيدى مارقۇمنىڭ تۋىستارى.
ال الماتىلىق پوليتسيا قىزمەتكەرى ارمان بايىسبايەۆ، 5-قاڭتارعا قاراعان ءتۇنى سەيفۋللين- تيميريازيەۆ كوشەسىنە شۇعىل جەتىپ، تارتىپسىزدىكتى توقتاتپاق بولعان. الايدا باسۋ ايتقانعا كونبەگەندەر ونى ارىپتەستەرىمەن بىرگە سوققىنىڭ استىنا الىپ، باسىن جارىپ، قابىرعاسىن سىندىرعان.
«سول جەردە ءولدىم دەپ ويلادىم. ايامادى. سودان كەيىن ءبىر كىسى «ۇرماڭدار» دەپ شەتكە الىپ شىعىپ، «كەتىپ قال، ايتپەسە، ولتىرەمىن» دەدى. بىزدە قارۋ جوق بولدى. تەك قالقان مەن كاسكا عانا. باسقا ەشتەڭە بولمادى. نەگىزى، قاراپايىم حالىققا قارۋ قولدانبايمىز. بىزدە قارۋ بولعان جوق»، - دەدى الماتى قالالىق پ د پاترۋلدىك پوليتسيا پولكىنىڭ ينسپەكتورى ارمان بايىسبايەۆ.
ارنا تىلشىلەرىنىڭ مالىمەتىنشە، قاڭتاردىڭ باسىندا بولعان دۇربەلەڭدە 3037 پوليتسيا قىزمەتكەرى مەن ۇلتتىق ۇلاننىڭ اسكەري قىزمەتشىسى ءتۇرلى دەنە جاراقاتىن العان. سوڭعى مالىمەتتە ىشكى ىستەر ورگاندارىنىڭ 8 قىزمەتكەرى قازا تاپقانى ايتىلدى. بۇگىندە 107 ءتارتىپ ساقشىسى ەمدەلىپ جاتىر.
ەسكە سالايىق، 2-قاڭتاردا ماڭعىستاۋ وبلىسىنىڭ تۇرعىندارى سۇيىتىلعان مۇناي گازى قىمباتتاۋىنا بايلانىستى ميتينگىگە شىققان بولاتىن. 3-قاڭتاردا بىردەن بىرنەشە وبلىستا ميتينگىلەر باستالدى. نارازىلىق شاراسىنا مۇناي ءوندىرۋشى كاسىپورىنداردىڭ جۇمىسشىلارى دا قوسىلدى. 4-قاڭتاردا وزگە دە قالالاردا بىردەن جاپپاي تارتىپسىزدىك باستالدى.
كەيىنىرەك پرەزيدەنت قاسىم-جومارت توقايەۆ الماتى قالاسى مەن ماڭعىستاۋ وبلىسىندا توتەنشە جاعداي ەنگىزۋ تۋرالى جارلىققا قول قويدى. الماتى قالاسى مەن ماڭعىستاۋ وبلىسىندا 2022 -جىلعى 5-قاڭتارداعى ساعات 01:30-دان 2022 -جىلعى 19-قاڭتاردىڭ ساعات 00:00 كەزەڭى ارالىعىندا توتەنشە جاعداي ەنگىزىلدى.
5-قاڭتاردا ۇكىمەت باسشىسى وتستاۆكاعا كەتتى، قازاقستاندا الەۋمەتتىك ماڭىزى بار ازىق-تۇلىك تاۋارلارى، سۇيىتىلعان گاز، بەنزين جانە ديزەل وتىنىنىڭ باعاسىن مەملەكەتتىك رەتتەۋ ەنگىزىلدى. الايدا تولقۋ كۇشەيە ءتۇستى. الماتى قالاسى قاتتى زارداپ شەكتى. بۇلىكشىلەر اكىمدىك عيماراتىن ورتەپ جىبەردى، پرەزيدەنت رەزيدەنسياسىن باسىپ الدى، دۇكەندەردى، ساۋدا ورتالىقتارىن، بانك كەڭسەلەرى مەن بانكوماتتاردى قيراتىپ، تونادى.
سونداي-اق، قاسىم-جومارت توقايەۆ ەلىمىزدە قالىپتاسقان كۇردەلى قوعامدىق- ساياسي جانە الەۋمەتتىك- ەكونوميكالىق جاعدايعا توقتالىپ، سۇيىتىلعان گاز باعاسىنىڭ وسۋىنە بايلانىستى حالىقتىڭ نارازىلىعىن تۋدىرعانى ءۇشىن ۇكىمەت، سونىڭ ىشىندە، ەنەرگەتيكا مينيسترلىگى، «قازمۇنايگاز» بەن «قازاق گاز» كاسىپورىندارى كىنالى ەكەنىن ايتتى.
6-قاڭتاردا كارىم ءماسىموۆ ۇلتتىق قاۋىپسىزدىك كوميتەتىنىڭ ءتوراعاسى قىزمەتىنەن بوساتىلدى. ۇقك- ءنىڭ جاڭا باسشىسى بولىپ ەرمەك ساعىمبايەۆ تاعايىندالدى. ءدال وسى كۇنى ۇ ق ك قىلمىستىق كودەكستىڭ 175-بابى 1-بولىگى بويىنشا «مەملەكەتكە وپاسىزدىق جاساۋ» بابى بويىنشا سوتالدى تەرگەۋ امالدارى باستالدى. قىلمىس جاسادى دەگەن كۇدىكپەن ۇ ق ك-نىڭ بۇرىنعى ءتوراعاسى كارىم ءماسىموۆ پەن باسقا دا تۇلعالار ۇستالىپ، ۋاقىتشا ۇستاۋ يزولياتورىنا قامالدى. ال 10-قاڭتار جالپىۇلتتىق ازا تۇتۋ كۇنى بولىپ جاريالاندى.
قازاقستانداعى تارتىپسىزدىكتەردەن بيزنەسكە كەلتىرىلگەن شىعىن 12-قاڭتاردا 100 ميلليارد تەڭگەدەن استى. قازا بولعاندار مەن زارداپ شەككەندەر سانى انىقتالىپ جاتىر، ءالى بەلگىسىز.
11-قاڭتاردا پرەزيدەنت قاسىم-جومارت توقايەۆ جاڭا ۇكىمەت مۇشەلەرىن تاعايىندادى.
