قىتايدا اۆتوبۋس جارىلىپ، ءبىر ادام كوز جۇمدى، 40 تان اسا ادام زارداپ شەكتى
جارىلىس سەنبى كۇنى كەشكە لياونين پروۆينتسياسىنىڭ (سولتۇستىك-شىعىس قىتاي) اكىمشىلىك ورتالىعى شەنيان قالاسىندا بولدى.
بۇل تۋرالى قازاقپارات ءتىلشىسى «حۋانتسيۋۆان» سايتى جەرگىلىكتى پوليتسياعا سىلتەمە جاساپ حابارلايدى.
باسىلىمنىڭ دەرەكتەرىنە ساي، 12- اقپان كۇنى جەرگىلىكتى ۋاقىت بويىنشا ساعات 17:55 تە شەنيان قالاسىنىڭ قوعامدىق قاۋىپسىزدىك باسقارماسىنىڭ ورتالىعىنا حۋانگۋ اۋدانىندا كەلە جاتقان 232 اۆتوبۋستا جارىلىس بولعانى تۋرالى اقپارات كەلىپ ءتۇستى.
«حۋانتسيۋۆان» سايتىندا اينەكتەرى سىنىپ، سىرتى زاقىمدانعان جولاۋشىلار اۆتوبۋسىنىڭ سۋرەتى جاريالانعان.
سوڭعى دەرەكتەرگە سايكەس، جارىلىس سالدارىنان ءبىر ادام كوز جۇمعان، ەكى ادام اۋىر، 40 ادام جەڭىل جاراقاتتار العان.
زارداپ شەككەندەر اۋرۋحاناعا جەتكىزىلىپ، ولارعا مەديتسينالىق كومەك كورسەتىلدى. جارىلىستىڭ نەدەن بولعانى انىقتالىپ جاتىر.
