13:02, 18 - تامىز 2021 | GMT +6
ا ق ش- تا 40 ميلليون ادامعا سۋ تاپشىلىعى قاۋپى ءتونىپ تۇر
نۇر-سۇلتان.قازاقپارات - ا ق ش بيلىگى سۋ تاپشىلىعى ماسەلەسى ءورشىپ بارا جاتقانىن ايتىپ دابىل قاعىپ وتىر، دەپ حابارلايدى «حابار 24».
ەلدىڭ باتىس جاعالاۋىندا 40 ميلليون تۇرعىندى تىرشىلىك نارىمەن قامتاماسىز ەتەتىن كولورادو وزەنىندەگى سۋ رەكوردتىق دەڭگەيگە دەيىن ازايعان. قازىر ونىڭ مولشەرى 40 پروتسەنتكە تەڭ. بىلتىر كورسەتكىش 49 پروتسەنت شاماسىندا بولعان ەكەن.
جاعدايدىڭ ۋشىعۋىنا قۋاڭشىلىق مەن ءانومالدى ىستىق سەبەپ. ساراپشىلار بولاشاقتا اسىرەسە، اريزونا شتاتىنىڭ حالقىنا قيىن بولاتىنىن بولجاپ وتىر. 2022 -جىلى مۇنداعى سۋ مولشەرى 18 پروتسەنتكە ازايادى دەگەن قاۋىپ بار. سالدارىنان فەرمەرلەر شاش ەتەكتەن شىعىنعا باتۋى مۇمكىن. احۋالدىڭ ۋشىعۋىنا بايلانىستى كەلەسى جىلدىڭ باسىنان ەلدىڭ باتىسىنداعى شتاتتاردا سۋدىڭ بەرىلۋى شەكتەلەدى.