ءۇندىستاندا 40 تام استام ادامدى كوشكىن باسىپ قالدى

نيۋ- دەلي. قازاقپارات - ءۇندىستاننىڭ سولتۇستىگىندەگى حيماچال- پرادەش شتاتىنداعى اۆتوكولىك جولىندا كوشكىن سالدارىنان 40 تان استام ادام ۇيىندىلەر استىندا قالدى، دەپ حابارلايدى قازاقپارات The Indian Express گازەتىنە سىلتەمە جاساپ.

جەرگىلىكتى بيلىك وكىلىنىڭ حابارلاۋىنشا، بىرنەشە كولىك قۇرالى كوشكىننىڭ استىندا قالعان. ولاردىڭ اراسىندا ىشىندە 40 جولاۋشىسى بار اۆتوبۋس بولعان. ول شيملۋ شتاتىنىڭ استاناسىنا بارا جاتقان. باسىلىمنىڭ دەرەكتەرى بويىنشا، شۇعىل قىزمەتتەر قىزمەتكەرلەرى بەس ادامدى قۇتقارعان.

ىزدەستىرۋ- قۇتقارۋ وپەراتسياسى جالعاسۋدا، الايدا ونى جۇرگىزۋ تاستاردىڭ قۇلاۋىنان قيىنعا سوعىپ وتىر. ءۇندىستاننىڭ پرەمەر- ءمينيسترى نارەندرا مودي ورتالىق ۇكىمەتتىڭ كومەك كورسەتۋگە دايىن ەكەنىن مالىمدەدى.

ەلدە مۋسسوندىق نوسەر ماۋسىمى باستالدى. بۇل مەزگىلدە ەلدە كوشكىن ءجۇرىپ، تاستار قۇلايدى.