19:02, 09 - تامىز 2021 | GMT +6
ش ق و- دا دالا ءورتى 40 گەكتارعا جايىلىپ كەتتى
وسكەمەن. قازاقپارات - شىعىس قازاقستان وبلىسى كۇرشىم اۋدانىندا ءورت سوندىرۋشىلەر 40 گەكتاردى شارپىعان قىزىل جالىنمەن كۇرەسىپ جاتىر، دەپ حابارلايدى قازاقپارات ءتىلشىسى.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، كۇرشىم اۋدانىندا ءشوپ ورتەنىپ، وقيعا ورنىنا قۇتقارۋشىلار شۇعىل كەلىپ جەتكەن.
«ساعات شامامەن 14.00 دە اشىق جەردە ءشوپ جاندى. ءورت سوندىرۋشىلەر جالىندى اۋىزدىقتاۋعا كىرىستى. الايدا لەزدە تاراعان وت 40 گەكتار اۋماققا جايىلىپ كەتكەن»، - دەپ حابارلادى ۆەدومستۆو وكىلدەرى.
قازىرگى ۋاقىتتا جەكە قۇرامنان 13 ادام مەن 2 تەحنيكا، ورمان شارۋاشىلىعىنان 11 ادام مەن 3 تەحنيكا، جەرگىلىكتى اتقارۋشى ورگاننان 1 سۋ تاسىعىش كولىك پەن 2 تراكتور جانە جەرگىلىكتى 25 تۇرعىن ءتىلسىز جاۋمەن كۇرەسىپ جاتىر.