اتىراۋدا ۆاكسينا العاندار اراسىندا جۇلدە قورى 40 ميلليون تەڭگەلىك ۇتىس ويىنى باستالدى
قازىر ەپيدەميولوگيالىق جاعداي كۇردەلى بۇل ءىس-شارانى «ازاماتتىق اليانس» زاڭدى تۇلعالار بىرلەستىگى ۇيىمداستىرىپ وتىر.
«اقشالاي ۇتىستىڭ جۇلدە قورى - 40 ميلليون تەڭگە. ونىڭ 10 ميلليون تەڭگەسى باس جۇلدە ءۇشىن بەرىلەدى. بۇگىن، 30-ماۋسىمىنان باستاپ 200 مىڭ تەڭگەلىك 10 سەرتيفيكات ءار ون كۇن سايىن 30-قىركۇيەككە دەيىن ۆاكسينا العاندار اراسىندا ويناتىلادى. تامىز ايىندا 30-ماۋسىم-31 -شىلدە ارالىعىندا ۆاكسينا العاندار ءۇشىن 3 ميلليون تەڭگە كولەمىندە 2 سەرتيفيكات ۇتىسقا تۇسەدى. ال، قىركۇيەكتە 1-31-تامىز ارالىعىندا ەكپە العاندار ءۇشىن تاعى 3 ميلليون تەڭگەنىڭ 2 سەرتيفيكاتى ويناتىلادى. قازان ايىندا باس جۇلدە - 10 ميلليون تەڭگەنى ۇتۋ ءۇشىن 1-اقپان-30-قىركۇيەك ارالىعىندا ۆاكسينانىڭ I نەمەسە Ⅱ كومپونەنتىن سالدىرعان تۇرعىندار قاتىسا الادى»، - دەيدى «ازاماتتىق اليانس» ز ت ب ءتوراعاسى الىبەك سەمعاليەۆ.
ونىڭ ايتۋىنشا، جەڭىمپازدار اتىراۋ وبلىسىنىڭ «ازاماتتىق اليانس» ز ت ب- نىڭ الەۋمەتتىك جەلىسىندەگى تىكەلەي ەفيرىندە انىقتالادى. وعان اكسيانىڭ اشىقتىعىن قامتاماسىز ەتۋ ءۇشىن ۇكىمەتتىك ەمەس ۇيىمداردىڭ وكىلدەرى، بلوگەرلەر مەن قوعام بەلسەندىلەرى تارتىلماق.
ەسكە سالا كەتەلىك، بۇدان بۇرىن اتىراۋدا ۆاكسينا العاندارعا سىيلىق بەرىلەتىنىن حابارلاعان بولاتىنبىز.
اۆتور: بەك مۇستافا
